Author: નોબત સમાચાર
જમવામાં પત્નીએ દાળ-ભાત બનાવતા ઉશ્કેરાયેલા પતિએ માર માર્યાની ફરિયાદ
બેડીના પુલ પાસે યુવાનને રોકી ચાર શખ્સે ગાળો ભાંડીઃ
જામનગર તા. ૨૦: લાલપુરના પડાણામાં એક મહિલાએ ઘરમાં અન્ય વસ્તુ ન હોવાથી જમવામાં દાળ-ભાત બનાવતા ઉશ્કેરાયેલા પતિએ ઢીકાપાટુથી માર માર્યાની તે મહિલાએ પોલીસમાં ફરિયાદ કરી છે. જ્યારે બેડીના પુલ પાસે ગઈરાત્રે એક યુવાનને ચાર શખ્સે રોક્યા પછી ગાળો ભાંડી હતી અને એક શખ્સે છરી હાથમાં લઈ તેની પાછળ દોટ મૂકી હતી. પોલીસે ગુન્હો નોંધી તપાસ શરૂ કરી છે.
જામનગર-ખંભાળિયા રોડ પર આવેલા પડાણા ગામમાં રહેતા ગંગાબેન અશોકભાઈ નામના પરિણીતાએ ગયા રવિવારે પોતાના ઘરે રસોઈ બનાવ્યા પછી ઘેર આવેલા પતિ અશોકભાઈ આલાભાઈ પરમારે જમવાનું શું બનાવ્યું છે તેમ પૂછ્યું હતું. ગંગાબેને ઘરમાં બીજુ કંઈ નથી એટલે દાળ-ભાત બનાવ્યા છે તેમ કહેતા પતિએ બોલાચાલી કર્યા પછી ગાળો ભાંડી ગંગાબેનને ઢીકાપાટુથી માર માર્યાની મેઘપર પોલીસ સ્ટેશનમાં ફરિયાદ કરાઈ છે.
જામનગરના બેડી વિસ્તારમાં આવેલા ફારૂક-એ-આઝમ ચોકમાં વસવાટ કરતા અસગર ગફારભાઈ સોઢા ગઈકાલે રાત્રે પોતાના બે પુત્ર સાથે બાઈકમાં સાસુના ઘર તરફ જતા હતા ત્યારે રસ્તામાં જાવિદ ઉમર સાયચા નામના શખ્સે તેઓને રોક્યા હતા. મારા દીકરા નોમાન સામે આંખો કેમ કાઢશ તેમ કહી જાવિદ ઉમરે ગાળો ભાંડતા અસગર સોઢા ત્યાંથી ચાલ્યા ગયા હતા ત્યારપછી બેડીના પુલ પાસેથી પસાર થતા અસગરને રોકી લઈ જાવિદ તેમજ એજાઝ સાયચા, શૌકત સાયચા, ઉમર સાયચાએ ગાળો ભાંડી હતી અને એજાઝે પોતાની પાસે રહેલી છરી બહાર કાઢી અસગરની પાછળ દોટ મૂકી હતી. સિટી બી ડિવિઝનમાં ચારેય શખ્સ સામે ફરિયાદ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
