Author: નોબત સમાચાર
ગૂગલ અને મેટાને ઈડીના સમન્સ
ઓનલાઈન સટ્ટાબાજી એપના કેસમાં
નવી દિલ્હી તા. ૧૯: ગુગલ અને મેટા ઈડીના રડારમાં આવી ગયા છે, તેને ઓનલાઈન સટ્ટાબાજી એપ કેસમાં પૂછપરછ માટે સમન્સ પાઠવાયા છે.
એન્ફોર્સમેન્ટ ડિરેક્ટોરેટ (ઈડી) એ શનિવારે ટેક જાયન્ટ્સ ગૂગલ અને મેટા (ફેસબુક) ને સમન્સ પાઠવ્યા છે. ઈડીની આ કાર્યવાહી ગેરકાયદેસર ઓનલાઈન સટ્ટાબાજી એપ્સના કેસમાં હાથ ધરવામાં આવી રહેલી તપાસનો એક ભાગ છે. બંને કંપનીઓના પ્રતિનિધિની ૨૧ જુલાઈના પૂછપરછ કરવામાં આવશે.
ઈડીએ ઓનલાઈન સટ્ટાબાજી એપ્સ સંબંધિત કેસની તપાસના સંદર્ભમાં ગૂગલ અને મેટાને નોટિસ ફટકારી છે. એજન્સીનો આરોપ છે કે આ બંને કંપનીઓએ સટ્ટાબાજી એપ્સને પ્રોત્સાહન આપ્યું હતું અને તેમના ડિજિટલ પ્લેટફોર્મ પર તેમની જાહેરાતો અને વેબસાઇટ્સને પ્રાધાન્ય આપ્યું હતું. જેના કારણે તેમની પહોંચ અને લોકપ્રિયતા ઝડપથી વધી અને આ ગેરકાયદેસર કામગીરી દેશભરમાં ફેલાઈ ગઈ.
આ સમગ્ર કેસમાં પહેલી વાર એવું બન્યું છે કે ભારતમાં કાર્યરત કોઈ મોટી ટેક કંપનીને સટ્ટાબાજી જેવા મામલામાં સીધી રીતે જવાબદાર ઠેરવવામાં આવી રહી છે. ઈડીની આ કાર્યવાહી ઓનલાઈન સટ્ટાબાજી સામેના વ્યાપક અભિયાનનો એક ભાગ છે, જેમાં ઘણા ફિલ્મ સ્ટાર્સ અને સોશિયલ મીડિયા ઇન્ફ્લુએન્સર્સની ગેરકાયદેસર સટ્ટાબાજી એપ્સને પ્રોત્સાહન આપવા બદલ તપાસ થઈ રહી છે. એવામાં ઈડીના આ પગલાથી ખબર પડે છે કે તપાસ હવે મોટા પાયે થઈ રહી છે.
ઈડી દેશભરમાં ઓનલાઈન સટ્ટાબાજી સામે કાર્યવાહી કરી રહી છે. તાજેતરમાં, એન્ફોર્સમેન્ટ ડિરેક્ટોરેટે તેલંગાણાના ઘણા મોટા ફિલ્મ સ્ટાર્સ સામે કેસ નોંધ્યો હતો. તેમાં વિજય દેવરાકોંડાથી લઈને રાણા દગ્ગુબાતી અને પ્રકાશ રાજ જેવા નામોનો સમાવેશ થાય છે. કુલ ૨૯ કલાકારો સામે કેસ નોંધવામાં આવ્યો હતો. આ ઉપરાંત, દેશભરમાં ઘણાં ઓનલાઈન સટ્ટાબાજી નેટવર્ક્સ સામે દરોડા પાડવામાં આવી રહૃાા છે.
આગામી દિવસોમાં ઈડી દ્વારા તેમના નિવેદનો નોંધવામાં આવે તેવી અપેક્ષા છે, આ સાથે ઈડી એવા ફરિયાદીઓને શોધી રહી છે જેમને આ સટ્ટાબાજી પ્લેટફોર્મ્સ દ્વારા છેતરવામાં આવ્યા હતા. દેશભરમાં ઈડીની કાર્યવાહી ચાલુ છે. ૧૫ જુલાઈના ઈડીએ મુંબઈમાં ઘણી જગ્યાએ દરોડા પાડ્યા હતા. આ દરોડા ગેરકાયદેસર ડબ્બા ટ્રેડિંગ અને ઓનલાઈન સટ્ટાબાજી નેટવર્ક સામે કરવામાં આવ્યા હતા. આ દરોડા દરમિયાન ટીમે ૩ કરોડ રૂપિયાથી વધુની રોકડ અને ઘણી લક્ઝરી ઘડિયાળો તેમજ ઘણાં વાહનો જપ્ત કર્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
