Author: નોબત સમાચાર
ખંભાળીયામાં સરકારી નહીં પણ ખાનગી મેડિકલ કોલેજ બનાવવા કવાયત... અહો, વૈચિત્ર્યમ્...
દેવભૂમિ દ્વારકા જિલ્લો તથા ખંભાળીયામાં નેતાગીરીની નબળાઈ !
ખંભાળીયા તા. ૩૧: ગુજરાતમાં કેન્દ્ર તથા રાજય સરકાર દ્વારા હાલ તબીબોની અછત નિવારવા તથા જિલ્લા દીઠ એક મેડિકલ કોલેજ રાખવાના નિયમ નક્કી કરતા દેવભૂમિ દ્વારકા જિલ્લામાં પણ મેડિકલ કોલેજ મંજૂર થઈ હતી. આ અગાઉ પોરબંદર, અમરેલી, મોરબીમાં મેડિકલ કોલેજની જાહેરાત થઈ હતી, પણ અમરેલીમાં ચાલુ થઈ ગઈ અને પોરબંદર અને મોરબીમાં પણ અડધી કાર્યવાહી થઈ છે. ત્યારે ખંભાળીયામાં નબળી અને આવા કામોમાં રસ વગરની સ્થાનિક નેતાગીરીથી આ કોલેજ ચાલુ થઈ ન હતી.
ભૂમિપૂજન પણ થયું નથી, થોડા સમય પહેલા બ્રાઉનફિલ્ડ યોજવામાં કરોડોની બિલ્ડીંગ, કરોડોની ફી અને ડોનેશનો લેવાની છૂટની સાથે પબ્લિક સરકાર પાર્ટનરશીપમાં આ યોજનામાં ટ્રસ્ટને જિલ્લા હોસ્પિટલની જરૂરી સુવિધા સાથે આપીને બેઠક દીઠ લાખોની સહાય આપવા જાહેરાત થતા ત્રણ ટ્રસ્ટો દ્વારા રસ દેખાડીને કોલેજ લેવા તજવીજ કરી હતી. જેમાં એક ખંભાળીયા, એક કલ્યાણપુર અને એક જામનગરની સંસ્થા હતી.
કરોડોના લાભની આ લોટરી કોને લાગે...? તેવી ચર્ચાઓ થતી હતી, ત્યારે તાજેતરમાં અગ્ર સચીવ ગુજરાત સરકાર દ્વારા આ કોલેજ લેવા માટે ઉત્સુક સંસ્થાઓ પાસેથી ૧પ૦ કરોડની બેલેન્સશીટ હોવી જોઈએ તેવું જણાવતા, હવે ખંભાળીયામાં મેડિકલ કોલેજ માટે કોઈ નવી સંસ્થાની એન્ટ્રી થાય તેવી સંભાવના છે. ખંભાળીયાની સાથે મંજૂર મોરબી તથા પોરબંદરમાં સરકાર કોલેજ બનાવે છે જયારે અહીં ખાનગી ટ્રસ્ટ બનાવશે...!!
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
