Author: નોબત સમાચાર
ખંભાળીયામાં જન્માષ્ટમીમાં વીજતંત્રએ લોકોને ધરાર "જાગરણ" કરાવ્યું...!
ખંભાળીયા તા. ૨૦: દેવભૂમિ દ્વારકા જિલ્લાના વડા મથક ખંભાળીયામાં જન્માષ્ટમીની રાત્રે લાંબા સમય પછી અઢી ઈંચ વરસાદ પડતા ખેડૂતોને મજા પડી ગઈ હતી તો ભારે ગાજવીજ સાથે આવેલા આ વરસાદે અનેક સ્થળે વીજળી પડતા લોકો મુશ્કેલીમાં મુકાયા હતા.
રાત્રે નવેક વાગ્યે ભારે ગાજવીજ સાથે વીજળી પડતા અનેક જગ્યાએ વાયરો તુટવા, ટી.સી.બળવા, જંપરો ઉડવા, સ્વીચો બળી જવાની સમસ્યા થઈ હતી. કૃષ્ણ જન્મનું ટીવી પર લાઈવ પ્રસારણ જોઈને ઉજવણી કરનારા ભાવિકો મુશ્કેલીમાં મુકાયા હતા.
જોગાનુજોગ ખંભાળીયા પી.જી.વી.સી.એલ.નો કંપ્લેન નંબર સતત બીઝી હોવાનું જાણવા મળતા શહેર જુ. ઈજનેર તથા ડે.ઈજનેરનો નંબર પણ ના લાગતા તથા કાર્ય.ઈજનેરનો નંબર કવરેજ બહાર મળતા કેટલાક જાગૃત આગેવાનોએ છેક જામનગર સુપ્રિ. ઈજનેર હસીત વ્યાસને રાત્રે ૧૨ વાગ્યે ફોન કરતા તેમણે રાત્રે જ તંત્રને દોડાવતા રાત્રે દોઢ વાગ્યા પછી વીજ પૂરવઠો નિયમિત થઈ ગયો હતો.
ચાર સ્થળો પર જંપર બળી જતા આવી ગયેલ વીજ પૂરવોઠો ડીપી મળતા સાત વખત વીજ પૂરવઠો ચાલુ-બંધ થતા લોકોને ફરજીયાત જાગરણની સ્થિતિ થઈ ગઈ હતી. જો કે, ઝરમરીયા ચાલુ વરસાદમાં પણ અંધારામાં વીજપોલ પર ચડીને રાત્રે દોઢ વાગ્યે જાગીને પણ સતત પાંચ કલાકની જહેમત બાદ વીજ પૂરવઠો પૂર્વવત થતા લોકોમાં થોડી રાહત થઈ હતી. વારંવાર વીજ પુરવઠો આવ-જા કરતા લોકો થાકી ગયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
