Author: નોબત સમાચાર
મામી તથા નાનીની બોલાચાલીમાં મધ્યસ્થી કરવા જતાં યુવતી પર ધોકાથી કરાયો હુમલો
હુમલાની ફરિયાદમાં થઈ વળતી રાવઃ
જામનગર તા. ૨: જામનગરના બેડી વિસ્તારમાં રહેતા એક યુવતીએ પોતાના મામી તથા નાની વચ્ચે થતી બોલાચાલીમાં મધ્યસ્થી કરતા હુમલો થયાની પોલીસમાં ફરિયાદ નોંધાવી છે. ગઈકાલે સામા પક્ષે કરેલી ફરિયાદ પછી વળતી ફરિયાદ કરવામાં આવી છે.
જામનગરના બેડી વિસ્તારમાં દીવેલીયા ચાલીમાં રહેતા હફીઝાબેન અસગરભાઈ પઠાણ નામના મહિલાએ સલીમભાઈ આમરા, સુગરાબેન, હુસેનાબેન, જમીલાબેન સામે ધોકાથી હુમલો કરી માર માર્યાની અને વચ્ચે પડેલા પોતાના ભાઈ શાહનવાઝ તથા પિતા અસગર અઝીજભાઈ પઠાણને પણ માર માર્યાની પોલીસમાં ફરિયાદ નોંધાવી છે.
ફરિયાદમાં જણાવવામાં આવ્યા મુજબ સુગરાબેન અને તેના સાસુ આયશાબેન વચ્ચે બોલાચાલી થતી રહેતી હતી તેમાં ગુરૂવારે બપોરે હફીઝાબેને સમજાવટ કરી હતી. મામી સુગરાબેન અને નાની આયશાબેનને સમજાવતી વખતે જ અચાનક ઉશ્કેરાયેલા સલીમે ગાળો ભાંડી હતી અને તે પછી સુગરાબેન, હુસેનાબેન અને જમીલાબેન ઝઘડો કરવા લાગ્યા હતા અને સલીમે ધોકો ફટકારી દીધો હતો. આ વેળાએ વચ્ચે પડેલા શાહનવાઝ તથા અસગરભાઈને પણ માર મારવામાં આવ્યો હતો. પોલીસે ગુન્હો નોંધી તપાસ હાથ ધરી છે. ઉલ્લેખનીય છે કે, ગઈકાલે જમીલાબેન ભોલીમે અસગર અજીઝ, નવાઝ અસગર, શબનમ અસગર, સલીનાબેન અસગર પઠાણ સામે હુમલાની ફરિયાદ કર્યા પછી હફીઝાબેને વળતી ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
