Author: નોબત સમાચાર
ખંભાળિયાના હર્ષદપુરના આસામીને વીજ ચોરી કરવાના આરોપમાં ત્રણ વર્ષની કેદ
રૂ.૧,૮૩,૭૮૫નો દંડ ભરવા થયો આદેશઃ
જામનગર તા. ૩: ખંભાળિયાના હર્ષદપુર વિસ્તારમાં પોણા બે વર્ષ પહેલાં કરાયેલા વીજ ચેકીંગમાં એક આસામી વીજ ગ્રાહક ન હોવા છતાં બાજુમાં આવેલા થાંભલામાંથી વીજચોરી કરતા ઝડપાઈ ગયા હતા. પુરવણી બીલ આપી ફોજદારી ફરિયાદ કરાઈ હતી. અદાલતે આ આસામીને ત્રણ વર્ષની કેદ અને રૂ.૧૮૩૭૮પનો દંડ ફટકાર્યાે છે.
ખંભાળિયા તાલુકાના હર્ષદપુર વિસ્તારમાં વર્ષ ૨૦૨૩ના ઓક્ટોબર મહિનામાં વીજ કંપનીની ચેકીંગ ટૂકડી દ્વારા કરવામાં આવેલી ચકાસણી દરમિયાન સંજયનગરમાં કિશોર રવજીભાઈ ડાભી નામના આસામીને ત્યાં ચેકીંગ કરાતા આ આસામી ઘર પાસે આવેલા થાંભલામાંથી વાયર નાખી વીજળી મેળવી તેનો વપરાશ કરતા મળી આવ્યા હતા.
આ વ્યક્તિ વીજ જોડાણ કે વીજ મીટર ધરાવતા ન હોવા છતાં વીજળી વાપરતા હતા. તેઓને રૂ.૩૦૬૩૦નું પુરવણી બીલ આપવા ઉપરાંત ફોજદારી ફરિયાદ કરવામાં આવી હતી. તે કેસ ચાલી જતાં ખંભાળિયાની અદાલતે આરોપી કિશોર રવજીભાઈ ડાભીને તક્સીરવાન ઠરાવી ત્રણ વર્ષની સખત કેદની સજા અને રૂ.૧૮૩૭૮૫નો દંડ ફટકાર્યાે છે. દંડ ભરવામાં ન આવે તો વધુ નવ મહિનાની સજાનો હુકમ કરાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
