Author: નોબત સમાચાર
રકમ ચૂકવાઈ ગયા પછી પણ ઉઘરાણી કરાતા વાત કરવા ગયેલા વેપારી પર હથોડીથી હુમલો
ચાર શખ્સે ધોકાવી નાખતા પોલીસમાં રાવઃ
જામનગર તા. ૧૨: જામનગરના વેપારી પર ગઈકાલે રાત્રે શાક માર્કેટ પાસે ચાર શખ્સે હુમલો કર્યા પછી એક શખ્સે માથામાં હથોડી ફટકારી હતી. દિવાળી સમયે ઉધાર લીધેલા શાકભાજીના રૂ.રપ હજાર ચૂકવાયા પછી પણ તે રકમ આપવામાં આવી નથી તેમ કહેવાતા આરોપીઓની દુકાને ગયેલા વેપારી પર હુમલો થયો હતો.
જામનગરના કાલાવડ નાકા બહાર આવેલા મોરકંડા રોડ પર સેટેલાઈટ સોસાયટીમાં રહેતા તૌફીકભાઈ મહંમદભાઈ રાજકોટીયા નામના મેમણ યુવાન ગઈકાલે સાંજે સુભાષ શાક માર્કેટ નજીક પોતાની દુકાન પાસે હતા ત્યારે ફારૂક સુડીવાલા ઉર્ફે રાજુ તથા અન્ય ત્રણ શખ્સ ધસી આવ્યા હતા.
અગાઉ દિવાળીના સમય વખતે તૌફીકભાઈએ રૂ.રપ હજારના શાકભાજીની ખરીદી કરી હતી. તેની રકમ રીયાઝ સુડીવાલાને આપી દીધી હોવા છતાં ઉઘરાણી કરાતા ગઈકાલે સાંજે તૌફીકભાઈ તથા એજાઝ તેઓની દુકાને ગયા હતા ત્યારે ત્યાં હાજર ફારૂક, મુસ્તાક સુડીવાલા, રીયાઝ તથા અબુભાઈ સુડીવાલાએ પૈસા આપ્યા નથી તેમ કહ્યું હતું અને રીયાઝે પૈસા તો આપવા જ પડશે તેમ કહી પાછળ ધસી આવી ફડાકા તથા ઢીકાપાટુથી માર માર્યાે હતો અને ફારૂક, મુસ્તાક તથા અબુભાઈ તૂટી પડ્યા હતા.
આ વેળાએ રીયાઝે દુકાનમાં પડેલી હથોડીથી માથામાં તૌફીકભાઈને ફટકો મારતા આ યુવાનને સારવાર માટે હોસ્પિટલમાં ખસેડવામાં આવ્યા છે. સિટી એ ડિવિઝન પોલીસ સ્ટેશનમાં તેની ફરિયાદ કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
