Author: નોબત સમાચાર
ખંભાળીયાઃ તરઘડી પાસે પાલિકાના ડમ્પીંગ યાર્ડના કચરામાં ભિષણ આગ
કલાકોની જહેમત પછી આગ કાબૂમાં આવી
ખંભાળીયા તા. ૨૧: ખંભાળીયામાં ગઈકાલે રાત્રે તરઘડી પાસે આવેલા ખંભાળીયા પાલિકાના ડમ્પીંગ યાર્ડમાં વર્ષોથી પડેલા કચરાના ઢગલામાં ભયાનક આગ લાગતાં દોડાદોડી થઈ હતી. નજીકના ગામોના રહીશોને પણ આ ભયાનક આગની જ્વાળાઓ તથા ધૂમાડાના ગોટા દેખાતા તેઓમાં પણ ભયની લાગણી ફેલાઈ હતી.
બનાવની જાણ થતાં ખંભાળીયા ફાયર બ્રિગેડના ફાયર ચીફ ઓફિસર મીતરાજસિંહ પરમાર દ્વારા તુરંત ચાર ગાડીઓ સાથે બે ટીમો મોકલી અને દસેક સ્ટાફના લોકોને મોકલી દીધા હતા. પરંતુ ઢગલાબંધ ટેન્કરો ખાલી થવા છતાં આગ કાબૂમાં આવી ન હતી.
અગાઉ પણ અહીં કોઈ અટકચાળા દ્વારા આગનું છમકલું થતાં આગ લાગી હતી ને બે દિવસ સુધી ઠરી ન હતી. આ વખતે પણ દિવાળીના તહેવારોમાં કોઈ અટકચાળા એ ફટાકડા ફોડીને કે સળગતા ફટાકડા નાખતા આગ લાગ્યાનું અનુમાન થયહું હતું. જો કે, કચરાના ટનબંધ ઢગલા વર્ષોથી પડતરરૂપ હોય, તથા તેમાં પ્લાસ્ટીકના ડુચા, કોથળીઓ, થેલીઓ હોય, આ આગ ખૂબ જ ઝડપથી ફેલાઈને કચરાના ઢગલા સુધી પહોંચી જતી હોય, ગત વખતે પણ જેસીબી થી કચરો ઉંચો કરી કરીને પાણીના ફૂવારા કરીને દિવસોની જહેમત પછી આગ કાબૂમાં આવી હતી. કચરાના વિશાળ ઢગલા જોખમી બન્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
