Author: નોબત સમાચાર
દરિયો ન ખેડવા માટે સૂચના આપતું જાહેરનામું હોવા છતાં માછીમારી કરતા છ સામે નોંધાયો ગુન્હો
સલાયા પોલીસે હાથ ધરી કાનૂની કાર્યવાહીઃ
જામનગર તા. ૨૬: હાલમાં દરિયામાં જવા પર પ્રતિબંધ મૂકવામાં આવ્યો છે તેમ છતાં કેટલાક માછીમારો દરિયામાં જતા હોવાની બાતમી સલાયા પોલીસને મળતા ગઈકાલે સફી ઢોળા પાસે પોલીસે વોચ રાખી છ માછીમારને પકડી પાડ્યા હતા અને જાહેરનામાનો ભંગ કરવા અંગે તેઓની સામે કાનૂની કાર્યવાહી કરી હતી.
હાલમાં ચાલતી મોન્સુન સિઝનના કારણે દરિયામાં જોવા મળતા કરંટના કારણે માછીમારોએ દરિયો ન ખેડવાની સૂચના આપતુું જાહેરનામું પ્રસિદ્ધ કરવામાં આવ્યું હોવા છતાં દેવભૂમિ દ્વારકા જિલ્લાના સલાયામાં કેટલાક માછીમારો પરવાનગી વગર જ માછીમારી માટે દરિયો ખેડી રહ્યા હોવાની બાતમી પરથી ગઈકાલે સિક્કા પોલીસ સ્ટેશનના સ્ટાફે વોચ રાખી હતી.
તે દરમિયાન સફી ઢોરા પાસેથી ઓસમાણ દાઉદ સુંભણીયા નામનો માછીમાર પોતાની હોડી લઈને આવ્યો હતો. તેની સામે જાહેરનામા ભંગ અંગે પોલીસે કાર્યવાહી કરી છે.
તે ઉપરાંત અકબર નુરમામદ ભાયા નામનો માછીમાર પણ જાહેરનામાનો ભંગ કરી દરિયામાં માછીમારી માટે જતાં તેની સામે કાર્યવાહી કરવામાં આવી છે. અમર મુસા બેલાઈ નામનો માછીમાર પણ પરવાનગી વગર જ એન્જીનવાળી હોડી લઈને દરિયામાં જતા પોલીસે ગુન્હો નોંધ્યો છે.
સલાયાના નદીમ રઝાક ગજણ નામના માછીમાર સામે પણ દરિયામાં માછીમારી માટે જવા અંગે પોલીસે કાર્યવાહી કરી છે અને બશીર જાકુ સંઘાર નામનો માછીમાર પણ મંજૂરી લીધા વગર માછીમારી માટે જતા તેની સામે જાહેરનામા ભંગનો ગુન્હો નોંધાયો છે. જુનસ બશીર સંઘાર નામનો માછીમાર પણ જાહેરનામાની પરવા કર્યા વગર જ દરિયામાં માછીમારી કરવા જતાં પોલીસે ગુન્હો નોંધ્યો છે. તમામ માછીમારો સામે પોલીસ કર્મચારીઓ ફરિયાદી બન્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
