Author: નોબત સમાચાર
જામજોધપુરમાં ઈંગ્લીશ દારૂના ૩૩ ચપલા લઈને જતાં બાઈકચાલકની કરાઈ ધરપકડ
વિવિધ સ્થળે દેશી દારૂ પકડવા દરોડા પડાયાઃ
જામનગર તા. ૩૧ઃ જામજોધપુર શહેરમાં બાઈકમાં લઈ જવાતા ઈંગ્લીશ દારૂના ૩૩ ચપલા સાથે પોલીસે એક શખ્સની ધરપકડ કરી સપ્લાયરનું નામ ઓકાવ્યું છે. જ્યારે લાલપુરના ટેભડા, કાનાલુસ તેમજ જામનગરમાં વુલન મીલ રોડ પર બાવરીવાસમાંથી પોલીસે દેશી દારૂ તથા આથો કબજે કર્યા છે.
જામજોધપુર શહેરના અંજલી પાર્ક વિસ્તારમાંથી ગઈરાત્રે પસાર થતા જીજે-૧૦-એલ ૬૦૨૬ નંબરના મોટરસાયકલને પેટ્રોલિંગમાં રહેલી પોલીસ ટીમે રોકાવી તેના ચાલક મૂળ હોથીજી ખડબા ગામના સત્યરાજસિંહ નરેન્દ્રસિંહ જાડેજાની તલાશી લીધી હતી.
આ શખ્સના કબજામાંથી ભારતીય બનાવટના અંગ્રેજી શરાબના ૩૩ ચપલા મળી આવ્યા હતા. પોલીસે બાઈક, ચપલા, એક મોબાઈલ મળી કુલ રૂ.૪૪૬૦૦નો મુદ્દામાલ કબજે કર્યાે છે. આ શખ્સની પૂછપરછ કરાતા તેણે હોથીજી ખડબામાં રહેતા પોતાના ભાઈ પુષ્પરાજસિંહ નરેન્દ્રસિંહ જાડેજા પાસેથી દારૂ લીધાની કબૂલાત આપી છે.
જામનગરના વામ્બે આવાસ પાછળ બાવરી વાસમાં ગોદાવરીબેન ધરમપાલ પરમાર તેમજ પરમેશ્વરી બીરજુ કોળી અને હંસાબેન ગોપાલભાઈ કોળી નામના ત્રણ મહિલાના ઝૂંપડામાંથી પોલીસે દેશી દારૂની ભઠ્ઠી પકડી પાડી છે. સ્થળ પરથી તૈયાર દારૂ, આથો, ભઠ્ઠીના સાધનો કબજે કરાયા છે.
લાલપુરના કાનાલુસ ગામમાં માગીબેન ભલાભાઈ સુમેતના મકાનમાંથી ૩૦ લીટર આથો ઝડપાયો છે. ટેભડા ગામમાં સુલેમાન મામદ કુરેશીના મકાનની પાછળથી દારૂ તથા આથો મળી આવ્યો છે. કાનાલુસમાં દેગણશી છગનભાઈ હાજાણી તથા દેશરાજ સાજણ હાજાણી નામના બે શખ્સના કબજામાંથી પણ આથો કબજે કરાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
