Author: નોબત સમાચાર
હાપા રેલવે યાર્ડ પાસે ખુલ્લા ફાટક છતાં ટ્રેન થઈ પસારઃ વીડિયો વાયરલ
ટેકનિકલ ખામીના કારણે મેન્યુલી ટ્રાફિક નિયમનનો દાવો
જામનગર તા. રરઃ જામનગર નજીકના હાપા રેલવે યાર્ડ પાસેનું ફાટક બંધ કર્યા વિના ટ્રેન પસાર થઈ હતી, જો કે રેલવે દ્વારા મેન્યુઅલી ટ્રેન પસાર કરાઈ હોવાનો દાવો કરાયો છે.
જામનગરના હાપા રેલવે સ્ટેશન વિસ્તારમાં રેલવે વિભાગની ગંભીર બેદરકારી સામે આવી છે. રાત્રે રેલવે યાર્ડ નજીક આવેલ રેલવે ફાટકને બંધ કરાવ્યા વિના જ ત્યાંથી ટ્રેન પસાર થતા અનેક વાહનચાલકો ત્યાં આવીને ઊભા રહી ગયા હતાં, અને સ્તબ્ધ બન્યા હતાં, જો કે રેલવે દ્વારા મેન્યુઅલી વ્યવસ્થા કરવામાં આવી હોવાનું જણાવાયું છે.
જામનગરના હાપા રેલવે સ્ટેશન નજીક રેલવે યાર્ડની નજીક ફાટક આવેલું છે, પરંતુ બે દિવસ પહેલા રાત્રે ટ્રેન પસાર થવાના સમયે ફાટકમેન ગાયબ થઈ ગયો હતો, અને કોઈ રેલવે કર્મચારી ત્યાં હાજર ન હતાં. બરાબર તે સમયે એક ટ્રેન પસાર થઈ હતી, અને ફાટક ખુલ્લું જ રહ્યું હતું. આ વેળાએ અનેક વાહનચાલકો ત્યાંથી પસાર થયા હતાં, પરંતુ ખુલ્લી ફાટકમાં ટ્રેનને પસાર થતી જોઈને ત્યાં જ ઊભા રહીને સ્તબ્ધ બની ગયા હતાં.
રેલવે તંત્રની આવી બેદરકારીના કારણે મોટો અકસ્માત થતા અટક્યો હતો. બરાબર આ સમયે ત્યાંથી પસાર થનાર કોઈ વાહનચાલકે પોતાના મોબાઈલ ફોનમાં ખુલ્લા ફાટકમાંથી પસાર થતી ટ્રેન અંગેનો અને વાહનચાલકો ત્યાં ઊભી રહ્યા હોય, તેવો વીડિયો બનાવી લીધો હતો, જે વીડિયો સોશિયલ મીડિયામાં વાયરલ થયો હતો.
રેલવે તંત્રએ આ બાબતે તાકીદે કડકમાં કડક પગલાં લેવા જોઈએ તેવી માગ ઊઠી છે, જો કે રેલવેના અધિકારીના જણાવ્યા પ્રમાણે ફાટકમાં ટેકનિકલ ક્ષતિ હોવાના કારણે બંધ થયું ન હતું, પરંતુ મેન્યુઅલી વાહનચાલકોને રોકવાની વ્યવસ્થા કરવામાં આવી હોવાનું જણાવ્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
