Author: નોબત સમાચાર
પ્લોટ ખાલી કરી નાખવાનો ખાર રાખી મેઘપરના શખ્સે ધમકી આપ્યાની રાવ
શેઢો ખેડવાની બાબતે પ્રૌઢ પર થયો હુમલોઃ
જામનગર તા. ૨: લાલપુરના મેઘપરમાં એક યુવાનને પ્લોટ ખાલી કરી નાખવાનો ખાર રાખી એક શખ્સે ગાળો ભાંડી પતાવી દેવાની ધમકી આપતા પોલીસમાં ફરિયાદ કરાઈ છે. જ્યારે શેઢો ન ખેડવાનું કહી જામજોધપુરના જામ આંબરડીમાં એક પ્રૌઢ પર તેમના જ કુટુંબી પિતા-પુત્રએ લાકડીથી જીવલેણ હુમલો કર્યાની ફરિયાદ કરવામાં આવી છે.
લાલપુર તાલુકાના મેઘપર ગામના દિનેશસિંહ શિવુભા કંચવા નામના આસામીએ એકાદ વર્ષ પહેલાં લાલપુર તાલુકાના મીઠોઈ ગામના વિક્રમસિંહ ચંદ્રસિંહ જેઠવા પાસેથી જોગવડ ગામમાં બાપા સિતારામ મઢુલી પાસે આવેલો ચાર નંબરનો પ્લોટ વેચાતો લીધો હતો.
તે પ્લોટનો મેઘપર ગામના મીતરાજસિંહ ગુમાનસિંહ કંચવા પાસે કબજો રહેલો છે. તે પ્લોટ ખાલી કરી આપવા દિનેશસિંહે કહી પોલીસમાં ફરિયાદ કરવાની તજવીજ કરતા હોવાનું જણાવતા મીતરાજસિંહે પ્લોટ ખાલી કરી આપ્યો હતો પરંતુ ત્યારથી ખાર રાખવામાં આવતો હતો. તે દરમિયાન ગઈકાલે બપોરે દિનેશસિંહના મોટાભાઈ જીતુભાને મેઘપર પાસે રોકી ગાળો કાઢી માર મારવાની તથા ટાંટીયા ભાંગી નાખવાની મીતરાજસિંહે ધમકી આપતા મેઘપર પોલીસ સ્ટેશનમાં ફરિયાદ કરાઈ છે.
જામનગરમાં રહી અભ્યાસ કરતા મૂળ જામજોધપુર તાલુકાના જામ આંબરડી ગામના રસ્મિતભાઈ ડાડુભાઈ પુછડીયાના પિતા ડાડુભાઈ સોમાતભાઈ ગઈકાલે સાંજે પોતાના ખેતરે કામ કરતા હતા ત્યારે મયુર બાબુભાઈ પુછડીયા, બાબુ સોમાતભાઈ પુછડીયા આવ્યા હતા. તેઓએ શેઢો ખેડવાની ના પાડી લાકડીથી હુમલો કરી ડાડુભાઈને જીવલેણ ઈજા પહોંચાડી હતી. હોસ્પિટલ ખસેડાયેલા ડાડુભાઈના પુત્ર રસ્મિતભાઈએ ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
