Author: નોબત સમાચાર
માઉન્ટ આબુ ત્રણ દિવસ પ્રવાસીઓ માટે બંધ
વરસાદના કારણે એક માર્ગ તૂટી જતા તેની મરામત માટે
જયપુર તા. ૯: માઉન્ટ આબુમાં ત્રણ દિવસ માટે પ્રવાસીઓ પર પ્રતિબંધ મૂકવામાં આવ્યો છે. એક માર્ગની મરામત માટે આ આદેશ જાહેર કરાયો છે.
ભારે વરસાદને કારણે માઉન્ટ આબુના સાત ગુમ નજીક રોડનો એક ભાગ ધરાશાયી થતા તંત્રએ તાત્કાલિક અસરથી ત્રણ દિવસ માટે પ્રવાસીઓ માટે પ્રવેશ બંધ કરવાનો નિર્ણય લીધો છે. માઉન્ટ આબુના સબ ડિવિઝન ઓફિસર દ્વારા આ આદેશ જારી કરવમાં આવ્યો છે. જેમાં જણાવાયું છે કે, માર્ગનું સમારકામ પૂર્ણ ન થાય ત્યાં સુધી માઉન્ટ આબુ પ્રવાસીઓ માટે બંધ રહેશે. આ નિર્ણય પછી જે પર્યટકો હાલમાં માઉન્ટ આબુમાં છે. તેમણે સુરક્ષિત રીતે બહાર મોકલવામાં આવી રહ્યાં છે.
માઉન્ટ આબુનો રસ્તો પણ જલદી રીપેર કરવામાં આવશે. માઉન્ટ આબુના ડેપ્યુટી જિલ્લા કલેક્ટર ડો. અંશુ પ્રિયાએ એક ઈમરજન્સીની બેઠક યોજી જેમાં તેમણે આ નિર્ણય લીધો હતો. ડો. અંશુ પ્રિયાએ માઉન્ટ આબુ-આબુ રોડ પર તે સ્થળોનું નિરીક્ષણ કર્યુ, જ્યાં રસ્તાઓનું સમારકામ કરવાનું છે. તેમણે જાહેર નિર્માણ વિભાગના અધિકારીઓને તાત્કાલિક ધોરણે આ રસ્તાઓનું સમારકામ કરવા અને ભવિષ્યમાં રસ્તાઓ તૂટી ન જાય તે માટે સાવચેતીના ૫ગલા લેવાનો નિર્દેશ આપવમાં આવ્યો છે.
ડો. અંશુ પ્રિયાએ જણાવ્યું કે, વર્તમાન પરિસ્થિતિમાં પર્યટકોને તકલીફ પડી શકે છે. તેથી આ નિર્ણય લેવામાં આવ્યો છે. તેમણે પર્યટકોને ખાતરી આપી કે, પરિસ્થિતિ સામાન્ય થયા પછી તેમનું સ્વાગત કરવામાં આવશે.
આદેશ મુજબ આગામી ૩ દિવસ સુધી કોઈપણ પ્રવાસીને માઉન્ટ આબુમાં પ્રવેશવા દેવામાં આવશે નહીં. રાત્રિના ૮.૩૦ થી સવારે ૬.૦૦ વાગ્યા સુધી તમામ પ્રકારના વાહનોની અવરજવર પર સંપૂર્ણ પ્રતિબંધ મૂકવામાં આવ્યો છે.
ભારે વાહનો સરકારી અને ખાનગી બસો તેમજ ઓવરલોડ ટ્રકોને માઉન્ટ આબુ પર આવવા દેવા પર સંપૂર્ણ પ્રતિબંધ છે. જીવનજરૂરિયાતની વસ્તુઓ લઈ જતા નાના વાહનોને માઉન્ટ આબુમાં પ્રવેશ માટે છૂટ આપવામાં આવી છે. હોટેલ માલિકોને આગામી ૩ દિવસ માટે હોટલો ખાલી રાખવાનો આદેશ આપવામાં આવ્યો છે.
માઉન્ટ આબુના સાત ગુમ નજીક રોડની એક સાઈડની દિવાલ તૂટી પડતા તંત્ર દ્વારા તાત્કાલિક માર્ગ બંધ કરી દેવામાં આવ્યો છે અને તૂટી ગયેલા માર્ગને રીપેર કરવાની કામગીરી યુદ્ધના ધોરણે ચાલી રહી છે. આ કામગીરી પૂર્ણ થયા બાદ જ પ્રવાસીઓ માટે ફરીથી માર્ગ ખૂલ્લો મૂકવામાં આવશે. આ નિર્ણય સ્થાનિકો અને પ્રવાસીઓની સુરક્ષાને ધ્યાનમાં રાખીને લેવામાં આવ્યો છે.
તંત્ર તરફથી પ્રવાસીઓને અપીલ કરવામાં આવી છે કે, તેઓ આગામી દિવસોમાં માઉન્ટ આબુની મુસાફરી ટાળે અને તંત્રને સહકાર આપે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
