Author: નોબત સમાચાર
ભાણવડ પંથકમાં બે દિવસમાં સાત ઈંચ વરસાદઃ સતસાગર ડેમ છલકાયો
અનેક ડેમોમાં નવા નીરની આવક નોંધાઈઃ
ખંભાળિયા તા. રપઃ દેવભૂમિ દ્વારકા જિલ્લાના ભાણવડના શહેર તથા ગ્રામ્ય વિસ્તારોમાં બે દિવસમાં સતત સાત ઈંચ વરસાદ પડતા સર્વત્ર પાણી-પાણી થઈ ગયું હતું.
ભારે વરસાદ પડતા નદીઓમાં પૂર આવતા વર્તુ-ર ડેમ છલકાઈ ગયો હતો, તો વર્તુ-૧ ડેમ પણ છલકાઈ ગયો હતો. ભાણવડના ઘુમલી પાસેનો બરડા ડુંગરમાંથી જેમાં પાણી આવે છે અને ભાણવડ શહેરને જેનું પાણી મળે છે તે સત સાગર ડેમ છલકાતા નજીકના વિસ્તારના લોકો જોખમી રીતે આ ડેમના પાણીમાં નાહવા ઉમટી પડ્યા હતાં, તો ભારે વરસાદથી ડેમ છલકાતા હેઠવાસમાં ભાણવડ-પોરબંદર રોડ પર પાણી ફરી વળ્યા હતાં. રસ્તા પરથી જોખમી રીતે વાહન ચાલકો પસાર થતા હતાં.
આ વખતે અમાસનો મેળો ઈન્દ્રશ્વર મહાાદેવ ભાણવડ,માં વિકાસ કાર્યો ચાલતા હોય, ટીંબડી કપુરડી નેશ યોજાયો હતો. જેનું ઉદ્ઘાટન રાજ્યમંત્રી મૂળુભાઈ બેરાએ કરેલું, જ્યાં મેળો તથા લોકડાયરો રદ્ થયો હતો.
જિલ્લામાં ઝાપટાથી
બે ઈંચ વરસાદ
છેલ્લા ર૪ કલાકમાં દ્વારકામાં ઝાપટા સાથે ૬ મી.મી. વરસાદ પડ્યો હતો. ખંભાળિયા તથા કલ્યાણપુરમાં અડધો ઈંચ અને ભાણવડમાં બે ઈંચ વરસાદ પડ્યો હતો. સતત વરસાદને કારણે જિલ્લાના અગાઉ પાંચ ડેમો વેરાડી-૧, સોનમતી, કંડોરણા, મહાદેવિયા, સિંઘણી વિગેરે ડેમો છલકાયા હતાં. તે પછી વર્તુ-ર તથા મહીસાગર ડેમ પણ છલકાઈ ગયા છે. સતત વરસાદી વાતાવરણ તથા ઘી ડેમ ઉપરનો કંડોરણા ડેમ છલકાતા ઘી ડેમમાં નવા પાણીની આવક થતાં વીસ ફૂટનો ડેમ ૧૪ ફૂટની સપાટીએ પહોંચ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
