Author: નોબત સમાચાર
ચેક પરતના કેસમાં થયેલી સજાનો નીચેની કોર્ટનો હુકમ અપીલમાં રખાયો યથાવત
પાંચ કેસમાં એક-એક વર્ષની થઈ હતી સજાઃ
જામનગર તા. ૫: જામનગરના એક આસામીને કુલ રૂ.સાડા ચાર લાખના પાંચ ચેક પરત ફરવાના કેસમાં અદાલતે એક વર્ષની કેદની સજા ફટકારી હતી. પાંચેય હુકમ સામે સેશન્સ કોર્ટમાં અપીલ નોંધાવાઈ હતી. જેમાં નીચેની કોર્ટનો હુકમ યથાવત રાખી સેશન્સ કોર્ટે આરોપીને દસ દિવસમાં હાજર થઈ જવા હુકમ કર્યાે છે.
જામનગરના કલ્યાણજી ચોક પાસે ઝવેરી ઝાપા પાસે રહેતા તેજસ મહેન્દ્રભાઈ ઝવેરીએ રૂ.૪ લાખ જીજ્ઞેશ જયંતિલાલ ભરડવા પાસેથી રૂ.૪ લાખ હાથઉછીના લીધા પછી વધુ રૂ.પ૦ હજાર મેળવી તેની પરત ચૂકવણી માટે પાંચ ચેક આપ્યા હતા. તે તમામ ચેક બેંકમાંથી પરત ફરતા તેજસ સંઘવી સામે કોર્ટમાં ફરિયાદ કરવામાં આવી હતી.
તે કેસ ચાલવા પર આવતા આરોપી પક્ષે દલીલ કરી હતી કે, ફરિયાદ મુજબનો વ્યવહાર થયો નથી, ચેક આપ્યા નથી, અન્ય રકમ અંગેનું લખાણ ખોટુ છે. અગાઉ અપાયેલા ચેક અંગે ફરિયાદ કરવામાં આવી છે. એ ઉપરાંત ખોટો દસ્તાવેજ નોટરી કરાવવા અંગે ફરિયાદી સામે પણ ગુન્હો નોંધવા કોર્ટમાં અરજી કરાઈ હતી.
તે દલીલો સામે ફરિયાદ પક્ષના વકીલે કરેલી દલીલો ગ્રાહ્ય રાખી અદાલતે આરોપી તેજસ મહેન્દ્રભાઈ સંઘવીને તક્સીરવાન ઠરાવી દરેક કેસમાં એક વર્ષ લેખે કેદની સજા અને ચેકની રકમ મુજબનો દંડ ફટકાર્યાે હતો. તે હુકમ સામે તેજસ સંઘવીએ અપીલ નોંધાવી હતી. તે અપીલ ચાલી જતાં અદાલતે નીચેની કોર્ટનો હુકમ યથાવત રાખી આરોપી તેજસ સંઘવીને દસ દિવસમાં હાજર થઈ જવા હુકમ કર્યાે છે. ફરિયાદી તરફથી અપીલમાં વકીલ ઉદયસિંહ ચાવડા, બેનઝીર જુણેજાપ કપિલ તીર્થાણી, વિરાજસિંહ ચાવડા રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
