જામનગરમાં મહત્તમ તાપમાન ર૮.પ ડીગ્રી

Author: નોબત સમાચાર

જામનગરમાં મહત્તમ તાપમાન ર૮.પ ડીગ્રી

મેઘાવી માહોલઃ તાપમાનમાં સતત વધ-ઘટઃ

જામનગર તા. રપઃ જામનગરમાં મેઘાવી માહોલ વચ્ચે તાપમાનમાં વધારા-ઘટાડાનો દોર પણ યથાવત્ રહ્યો છે. છેલ્લા ચોવીસ કલાકમાં ૧.પ ડીગ્રીના ઘટાડા સાથે મહત્તમ તાપમાન ર૮.પ ડીગ્રી નોંધાયું હતું.

હાલાર સહિત સમગ્ર ગુજરાતમાં તા. ૩૦ ઓગસ્ટ સુધી હળવાથી ભારે વરસાદની આગાહી હવામાન વિભાગ દ્વારા કરવામાં આવી છે જે સાચી પણ ઠરી રહી છે. જામનગર તથા દેવભૂમિ દ્વારકા જિલ્લામાં પણ ક્યાંક હળવો તો ક્યાંક ભારે વરસાદના વાવડ મળી રહ્યા છે.

જામનગરમાં વરસાદની આગાહી વચ્ચે વાદળોની આવન-જાવન સતત જોવા મળી રહી છે. સૂર્યપ્રકાશ ભાગ્યે જ જોવા મળે છે, જેના પગલે રોગચાળામાં પણ વધારો થયો છે. સરકારી તથા ખાનગી દવાખાના અને હોસ્પિટલોમાં પેટ તથા માથામાં દુઃખાવો, શરદી-ઉધરસ તથા તાવ સહિતના કેસ વધારે નોંધાઈ રહ્યા છે.

નગરમાં વરસાદી માહોલ વચ્ચે તાપમાનમાં વધારા-ઘટાડાનો દોર પણ યથાવત્ રહ્યો છે. એક દિવસ તાપમાન વધે છે તો બીજા દિવસે તેમાં ઘટાડો થાય છે. આજે સવારે પૂરા થતાં ચોવીસ કલાક દરમિયાન દોઢ ડીગ્રીના ઘટાડા સાથે મહત્તમ તાપમાન ર૮.પ ડીગ્રી નોંધાયું હતું, જ્યારે આંશિક વધીને લઘુતમ તાપમાન રપ.૪ ડીગ્રી નોંધાયું હતું. વાતાવરણમાં ભેજનું પ્રમાણ ૯પ ટકા રહ્યું હતું. પવનની ગતિ પ્રતિકલાકની સરેરાશ ૩પ થી ૪૦ કિ.મી.ની રહેવા પામી હતી. વેગીલા વાયરા અને વરસાદના પગલે વાતાવરણમાં ઠંડક રહેવા પામી હતી.

જો આપને આ પોસ્ટ ગમી હોય તો શેર કરો...