Author: નોબત સમાચાર
મોટી બાણુંગારમાં ઉજવાયો વિશ્વ હેપેટાઈટીસ દિવસઃ વિદ્યાર્થીઓને અપાયું વિસ્તૃત માર્ગદર્શન
''લેટ્સ બ્રેક ડાઉન''ની થીમ પર
જામનગર તા. ૪: જામનગરના મોટી બાણુંગારમાં વિશ્વ હેપેટાઈટીસ દિવસની ઉજવણી અંતર્ગત 'લેટ્સ બ્રેક ડાઉન' થીમ પર જાગૃતિ કાર્યક્રમ યોજાયો હતો, જેમાં વિદ્યાર્થીઓને હેપેટાઈટીસ, ટીબી, એનીમિયા અને વાહકજન્ય રોગચાળા અંગે વિસ્તૃત માહિતી આપી રોગોને અટકાવવા માર્ગદર્શન અપાયું હતું.
વિદ્યાર્થીઓમાં હેપેટાઈટીસ, ટીબી, એનીમિયા અને વાહકજન્ય રોગચાળા અંગે જ્ઞાત અને જાગૃતિ ફેલાવવાના હેતુસર 'લેટ્સ બ્રેમ ડાઉન'ની થીમ પર સરકારી ઉચ્ચત્તર માધ્યમિક શાળા, મોટી બાણુંગારમાં વિશ્વ હેપેટાઈટીસ દિવસ ર૦રપ અંતર્ગત વિશેષ જાગૃતિ કાર્યક્રમનું આયોજન કરવામાં આવ્યું હતું. પ્રાથમિક આરોગ્ય કેન્દ્ર મોટી બાણુંગાર હેઠળ આવતી આ શાળમાં ધોરણ ૧૧ અને ૧ર ના પ૮ જેટલા વિદ્યાર્થીઓને માર્ગદર્શન અપાયું હતું.
કાર્યક્રમ દરમિયાન વિદ્યાર્થીઓને હેપેટાઈટીસના વિવિધ પ્રકારો વિશે વિગતવાર માહિતી આપવામાં આવી હતી, સાથે જ વિદ્યાર્થીઓને ટીબી, વાહકજન્ય રોગો જેમ કે મેલેરિયા, ડેન્ગ્યૂ, ડાયેરિયા અને એનીમિયા વિશે પણ પત્રિકાઓ દ્વારા વિગતવાર માર્ગદર્શન આપવામાં આવ્યું હતું, અને આ રોગોના લક્ષણો, નિવારણના ઉપાયો અને સારવાર વિશે ઊંડાણપૂર્વક સમજાવવામાં આવ્યું, અને પ્રશ્નોત્તરી સત્ર દ્વારા વિદ્યાર્થીઓની શંકાઓનું નિરાકરણ કરવામાં આવ્યું હતું.
મુખ્ય જિલ્લા આરોગ્ય અધિકારી ડો. નુપુર પ્રસાદ, જિલા ક્ષય અધિકારી ડો. પંકજકુમાર સિંઘ તેમજ જામનગર તાલુકાના તાલુકા હેલ્થ ઓફિસર ડો. જીગ્નેશ પટેલના માર્ગદર્શન હેઠળ, જિલ્લા એસ.બી.સી.સી. ચિરાગ પરમાર અને ટીબી સુપરવાઈઝર વિમલભાઈ નકુમ દ્વારા આ કાર્યક્રમનું સંચાલન કરવામાં આવ્યું હતું. કાર્યક્રમના સફળ આયોજનમાં શાળાના ઈન્ચાર્જ પ્રિન્સિપાલ અમરીબેન ચંદ્રવાડિયા, શિક્ષકો રેખાબેન સુથાર, રિદ્ધિબેન પોરોહતિ, હેતલબેન નાટડા તેમજ દિવ્યાબેન જોષીએ આપ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
