Author: નોબત સમાચાર
વરવાળા પાસે રોડ વચ્ચે ગાય આવતા બાઈક ટકરાયું: માતાનું પુત્રની નજર સામે મૃત્યુ
દ્વારકા જિલ્લામાં રખડતા ઢોરે વધુ એક ભોગ લીધોઃ
જામનગર તા. ૧૦: દ્વારકાથી સુરજકરાડી વચ્ચેના રોડ પર વરવાળા ગામ પાસે ગઈકાલે સાંજે રોડ પર અચાનક અંધારામાંથી દોડી આવેલી ગાય રોડ વચ્ચે ઉભી રહી જતા તેની સાથે સુરજકરાડીના માતા-પુત્ર જે બાઈક પર જતા હતા તે બાઈક ટકરાઈ પડ્યું હતું. આ અકસ્માતમાં ગંભીર ઈજા પામેલા માતાનું મૃત્યુ નિપજતા અરેરાટી પ્રસરી છે.
દેવભૂમિ દ્વારકા જિલ્લાના ઓખામંડળમાં આવેલા સુરજકરાડી ઉદ્યોગનગરમાં વસવાટ કરતા ભાર્ગવભાઈ જયંતિલાલ તન્ના નામના યુવાન ગઈકાલે સાંજે પોતાના માતા પ્રવીણાબેન તન્ના (ઉ.વ.૬૪) સાથે દ્વારકાથી મોટરસાયકલ પર સુરજકરાડી પરત જવા માટે નીકળ્યા હતા.
માતા-પુત્રનું બાઈક જયારે વરવાળા ગામથી આગળ એક હોટલ પાસે પહોંચ્યું ત્યારે અંધારામાં એક ગાય અચાનક દોડીને રોડ પર આવી જતા તેની સાથે બાઈક ટકરાઈ પડ્યું હતું. જેના પગલે માતા-પુત્ર રોડ પર ફંગોળાઈ ગયા હતા. આ અકસ્માતમાં માથા સહિતના શરીરના અન્ય ભાગોમાં ગંભીર ઈજા પામેલા પ્રવીણાબેનનું મૃત્યુ નિપજ્યું છે. જ્યારે ભાર્ગવભાઈને ઈજા થઈ છે.
સારવારમાં ખસેડવામાં આવ્યા પછી રાત્રે ભાર્ગવભાઈના નિવેદન પરથી દ્વારકા પોલીસે અકસ્માતે મૃત્યુ અંગે નોંધ કરી આગળની કાર્યવાહી હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
