Author: નોબત સમાચાર
બે દરોડામાં નજીવો દેશી દારૂ ઝડપાયો અને મહિલા બુટલેગરો ફરાર થઈ ગયા
ઓખામાં પોલીસની નામ માત્રની કાર્યવાહી!:
ઓખા તા. ૧૪: ઓખાના માછીમારી બંદર પર ગઈકાલે પોલીસે દરોડા પાડી ૨૦ લીટર દેશી દારૂ પકડી પાડ્યો છે. જો કે, બે દરોડામાં બે મહિલા બુટલેગર ફરાર દર્શાવાયા છે. બંદર પર દારૂની થતી રેલમછેલ પર સ્થાનિક પોલીસની નજર પડતી નથી ત્યારે એસએમસીની ટૂકડી દરોડા પાડે તેવી રાહ જોવાઈ રહી હોવાનું રમૂજમાં ચર્ચાઈ રહ્યું છે.
ઓખાનું માછીમારી બંદર દારૂબંદર તરીકે કુખ્યાત થઈ ગયું છે. તેના અહેવાલો વર્તમાન પત્રોમાં પ્રસિદ્ધ થતાં રહે છે. તે દરમિયાન ગઈકાલે ઓખાના ગાંધીનગરી તેમજ નવીનગરી વિસ્તારમાં પોલીસે બે દરોડા પાડી કુલ ૨૦ લીટર દેશી દારૂ ઝડપી લીધો છે પરંતુ બે મહિલા બુટલેગર પોલીસને હાથતાળી આપવામાં સફળ થયા છે.
પોલીસે નામ માત્રના દરોડા પાડ્યા છે અને તેમાંય મહિલા બુટલેગરો તો નાસી જ ગયા છે. ત્યારે માત્ર ૨૦ લીટર દારૂ ઝડપાતા નામની કાર્યવાહી કરાઈ હોવાની ચર્ચા જાગી છે.
દરોડા વચ્ચે ઓખાના માછીમારી બંદર પર ચાલતા દારૂના અડ્ડા પર પોલીસના દરોડા પડતા નથી તેથી આ બુટલેગરો પર સ્થાનિક પોલીસ મહેરબાન હોવાનું ચિત્ર ઉભુ થયું છે. સ્થાનિક પોલીસ દરોડો પાડશે કે ગાંધીનગરથી સ્ટેટ મોનીટરીંગ સેલની ટીમ આવે તેની રાહ જોવાઈ રહી છે?
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
