Author: નોબત સમાચાર
જામજોધપુરના સમાણા રોડ પર બે બાઈક વચ્ચે અકસ્માતઃ ઘુનડા ગામના યુવાનનું મૃત્ય
મોટી ખાવડી પાસે મોટરની ટક્કરે બે બાળકોને ઈજાઃ
જામનગર તા. ૨૩: જામજોધપુર તાલુકાના સમાણા રોડ પર ગઈકાલે બપોરે એક બાઈકની પાછળ બુલેટ મોટરસાયકલ ટકરાઈ પડતા ઘુનડા ગામના યુવાનનું મૃત્યુ નિપજ્યું છે. ત્યારે એકાદ મહિના પહેલાં મોટી ખાવડી પાસે બે બાળકોને એક મોટરે ઠોકર મારી અકસ્માત સર્જયો હતો. ઘવાયેલા બંને બાળકોને સારવારમાં ખસેડવામાં આવ્યા છે.
જામજોધપુર તાલુકાના ઘુનડા ગામના કૌશિકભાઈ રમણીકભાઈ જોષી નામના યુવાન ગઈકાલે બપોરે સડોદર ગામથી સમાણા ગામ તરફ જતા હતા. ત્યારે તેઓનું જીજે-૧૦-ઈબી ૫૯૯૩ નંબરના બાઈકની પાછળ જીજે-૬-એલકયુ ૩૦૩૮ નંબરનું બુલેટ મોટરસાયકલ ધડાકાભેર અથડાઈ પડ્યું હતુ. આ અકસ્માતમાં કૌશિકભાઈને માથામાં ગંભીર ઈજા થઈ હતી.
સારવાર માટે હોસ્પિટલમાં ખસેડાયેલા કૌશિકભાઈનું મૃત્યુ નિપજ્યું છે. તેઓના ભાઈ હાર્દિકભાઈ જોષીએ શેઠવડાળા પોલીસ સ્ટેશનમાં બુલેટ મોટરસાયકલ ચાલક સામે ફરિયાદ નોંધાવી છે.
જામનગરના મોટી ખાવડી ગામમાં રહેતા મૂળ રાજસ્થાનના અલ્પનાબેન હિતેશભાઈ શારડાની પુત્રી દ્રષ્ટિ (ઉ.વ.૪) તથા આરવ અભિમન્યુ મિશ્રા (ઉ.વ.૫) નામના બે બાળકો ગઈ તા.ર૯ની સવારે રોડ ક્રોસ કરતા હતા ત્યારે જીજે-૧૦-એક્સ ૧૦૦૪ નંબરની મોટરના ચાલકે આ બાળકોને હડફેટે લીધા હતા. ઘવાયેલા બંને બાળકને સારવારમાં ખસેડવામાં આવ્યા છે. અલ્પનાબેને મેઘપર પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
