Author: નોબત સમાચાર
આતશબાજી, મંદિરોમાં અન્નકૂટ, ચોપડા પૂજન, ખરીદી સાથે ખંભાળિયામાં હર્ષ-ઉમંગભેર ઉજવાઈ દીપોત્સવી
રાત્રે આઠ વાગ્યાથી સવાર સુધી ધમધમાટ
ખંભાળિયા તા. ર૧: ખંભાળિયામાં ગઈકાલે દીપાવલી ઉત્સવની ખૂબ જ ઉત્સાહભેર ઉજવણી થઈ હતી.
સવારથી જ દર્શન-પૂજા કરવા ભાવિકો ઉમટ્યા હતાં તથા અહીંના મહાપ્રભુજી બેઠક, કલ્યાણરાયજી મંદિરો તથા વિવિધ હવેલીઓમાં સવારે તથા સાંજે વિશેષ દર્શનો તથા દિવાળીના હાર, અન્નકૂટ વિગેષે દર્શનો પણ યોજાયા હતાં. હાલ મોટાભાગના મોટા વેપારી કોમ્પ્યુટરો પર હિસાબ કરતા હોવા છતાં પપણ પંડિતોને બોલાવીને યોગ્ય મુહૂૃતમાં ચોપડા પુજન પણ ઢગલાબંધ સ્થળે થયું હતું, તો સાંજે લક્ષ્મી પૂજા ચાંદીના સિક્કા ખરીદવા તથા ખાસ કરીને દિવાળીના દિવસે ઈલેક્ટ્રીક વસ્તુઓ ટી.વી. વિશેધ ઠામ વાસણ તથા બઈક ખરીદવા પણ લોકો ઉમટ્યા હતાં.
સાંજે સાત વાગ્યાથી ફટાકડા ફોડવાના ચાલુ થઈ ગયા હતાં અને આ વર્ષે રેકોર્ડરૂપ છેક સવાર સુધી સવારના છ વાગ્યા સુધી ફટાકડા ફૂટતા હતાં, તો આકાશ રોકેટોથી છવાયું હતું. કેટલાક ઉત્સાહી ફટાકડાપ્રેમીઓ ફટાકડાના કોથળા લઈને તેની મોટી અગાશી પરની પતંગની જેમ ફટાકડા ફોડવા ચડ્યા હતાં, જેથી ઊંચાઈએથી વધુ ઊંચાઈએ રોકેટ જાય તો સવારે દરેક શેરીઓ ફટાકડા ફોડેલા તેના ઢગલાઓથી ઉભરાઈ ગઈ હતી, તો સામાન્ય રીતે રાત્રે બે-ત્રણ વાગ્યાથી સવારે પાંચ વાગ્યા સુધી બે-ત્રણ કલાકનો બ્રેક હોય, તેના બદલે આ વખતેછેક સવારોસવાર ફટાકડા પ્રેમીઓએ મોજ માણી હતી. ભલેને ફટાકડાના ભાવમાં વધારો હોય, ખૂબ મોજથી દિવાળી ઉજવાઈ હતી. લોકોએ નવા કપડા પહેરીને મોજ માણી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
