Author: નોબત સમાચાર
કલ્યાણપુરના રાવલ તથા ભાટીયામાં ગંજીપાનાથી જુગાર રમતા ચાર ઝડપાયા
ભાણવડ શહેરમાંથી ચાર પત્તાપ્રેમીની ધરપકડઃ
જામનગર તા. ૧: ભાણવડ શહેરમાં જુગારના બે દરોડામાં ચાર પત્તાપ્રેમી પકડાયા છે. કલ્યાણપુરના રાવલ તથા ભાટીયામાંથી પણ ચાર શખ્સ ગંજીપાના કૂટતા મળી આવ્યા છે. રૂપામોરામાંથી એક વર્લીબાજની પોલીસે ધરપકડ કરી છે.
ભાણવડ શહેરમાં ફલકુ નદીના કાંઠે ગઈકાલે સાંજે જુગાર રમાતો હોવાની બાતમી પરથી ભાણવડ પોલીસ સ્ટેશનના સ્ટાફે દરોડો પાડ્યો હતો. ત્યાંથી રાજુ જીવરાજ સોલંકી, અખ્તર ઉમર વાઢીયા નામના બે શખ્સ તીનપત્તી રમતા મળી આવ્યા હતા. જ્યારે ઘેટા ઉછેર કેન્દ્ર પાસે મેદાન નજીકથી ઈમરાન ઉમરમિયાં સૈયદ, નીતિન રામાભાઈ પરમાર નામના બે શખ્સ ગંજીપાના કૂટતા ઝડપાઈ ગયા હતા.
ભાણવડના રૂપામોરા ગામમાં બસ સ્ટેન્ડના છાપરા નીચેથી અબ્દુલશા હુસેનશા નામનો શખ્સ વર્લીના આંકડા લખતો મળી આવ્યો હતો. કલ્યાણપુરના રાવલ ગામમાં ગૌશાળા પાસેથી સુકાભાઈ લાખાભાઈ બારીયા, રાજુ બાબુભાઈ ગામી નામના બે શખ્સ રોનપોલીસ રમતા ઝડપાઈ ગયા હતા. જ્યારે ભાટીયામાંથી ભરત હરજુગભાઈ લુણા, રમેશ ગોપાલભાઈ કારીયા નામના બે શખ્સ તીનપત્તી રમતા પકડાઈ ગયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
