Author: નોબત સમાચાર
સગીરા પર દુષ્કર્મ ગુજારનાર શખ્સને ૨૦ વર્ષની સખત કેદની સજાઃ ૧૭ હજારનો દંડ
ભોગ બનનારને કમ્પેઈન્સેશનમાંથી રૂ.૪ લાખનું વળતરઃ
જામનગર તા. ૧૩: જામનગરના એક શખ્સે પાંચ વર્ષ પહેલાં ઘરમાં એકલી રહેલી સગીરાને દુષ્કૃત્યનો ભોગ બનાવ્યા પછી ધમકી આપી ત્રણેક વખત દુષ્કર્મ ગુજાર્યું હતું. પોલીસમાં તેની ફરિયાદ થયા પછી આરોપીની ધરપકડ કરાઈ હતી. આ કેસ ચાલી જતાં અદાલતે આરોપીને ૨૦ વર્ષની સખત કેદની સજા અને કુલ રૂ.૧૭ હજારનો દંડ ફટકાર્યાે છે. સગીરાને રૂ.૪ લાખ વળતર પેટે ચૂકવાશે.
જામનગરના દિગ્વિજય પ્લોટ વિસ્તારની શેરી નં.૩૩માં રહેતા વસીમ ઈસ્માઈલ દરજાદા (ઉ.વ.ર૪) નામના શખ્સ સાથે પાંચેક વર્ષ પહેલાં સત્તર વર્ષની એક સગીરા સંપર્કમાં આવી હતી. તે પછી વર્ષ ૨૦૨૦ના જાન્યુઆરી મહિનામાં આ સગીરાના માતા-પિતા બહારગામ જતા અને તેણી ઘરમાં એકલી હતી ત્યારે અગાસીમાંથી ઉતરી આવેલા વસીમ દરજાદાએ છરી બતાવી આ સગીરા પર દુષ્કર્મ ગુજાર્યું હતું અને તેનો વીડિયો બનાવી લીધો હતો.
ત્યારપછી આ શખ્સે તે સગીરાનો અવારનવાર પીછો કરી એક હોટલમાં બોલાવવા ઉપરાંત અન્ય બે સ્થળે બોલાવી ત્રણેક વખત દુષ્કર્મ ગુજાર્યું હતું. બહારગામથી પરત આવેલા માતા-પિતાને સગીરાએ વાત કરતા જૂન ૨૦૨૦માં પોલીસમાં ફરિયાદ કરાઈ હતી. પોલીસે પોક્સો એક્ટ સહિતની કલમો હેઠળ ગુન્હો નોંધ્યો હતો.
આ કેસ જામનગરની ખાસ પોક્સો અદાલતમાં ચાલી જતા સરકાર તરફથી રજૂ થયેલા દસ્તાવેજી પુરાવા, સાહેદોની જુબાની ધ્યાને લઈ અદાલતે આરોપી વસીમ ઈસ્માઈલ દરજાદાને પોક્સો એક્ટ હેઠળ ૬ હેઠળ ૨૦ વર્ષની સખત કેદની સજા અને કલમ ૪ હેઠળ ૧૦ વર્ષની સખત કેદ, કલમ ૮ હેઠળ ૩ વર્ષની સખત કેદ અને કુલ રૂ.૧૭ હજારનો દંડ ફટકાર્યાે છે. દંડ ભરવામાં ન આવે તો વધુ છ મહિનાની સાદી કેદની સજા આપવામાં આવી છે. સગીરાને કમ્પેઈન્સેશનમાંથી રૂ.૪ લાખ વળતર પેટે ચૂકવવામાં આવશે. સરકાર તરફથી પીપી ભારતીબેન વાદી રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
