Author: નોબત સમાચાર
કલ્યાણપુરના ગુરગઢ-ભાટીયામાંથી ઝડપાઈ ગયા બે બોગસ તબીબ
વડત્રામાંથી પણ બોગસ ડોક્ટર મળી આવ્યોઃ
જામનગર તા. ૫: કલ્યાણપુરના ગુરગઢ તેમજ ભાટીયા ગામમાંથી પોલીસે બે બોગસ તબીબને પકડી પાડ્યા છે. જેમાં એક તબીબ ચાર વર્ષથી પ્રેક્ટિસ કરતો હોવાનું બહાર આવ્યું છે. ઉપરાંત ખંભાળિયાના વડત્રા ગામમાંથી પણ પશ્ચિમ બંગાળનો શખ્સ પણ ઝડપાયો છે. ત્રણેય સામે ગુન્હો રજીસ્ટર કરાવાયો છે.
દેવભૂમિ દ્વારકા જિલ્લાના કલ્યાણપુર તાલુકાના ગુરગઢ ગામમાં રબારી પાડામાં એક શખ્સ ડોક્ટર ન હોવા છતાં પ્રેક્ટિસ કરી દર્દીઓને દવા આપતો હોવાની બાતમી પરથી દેવભૂમિ દ્વારકા એસઓજીએ ગઈકાલે દરોડો પાડ્યો હતો. ત્યાં આવેલા મુકુંદભાઈ નામના આસામીના મકાનમાં પોલીસે ચકાસણી કરતા ત્યાંથી મૂળ કર્ણાટક રાજ્યના વતની અને હાલમાં તે મકાનમાં ભાડેથી રહેતો સીરાઝ નિઝામ પટેલ નામનો શખ્સ મળી આવ્યો હતો.
આ શખ્સ ડોક્ટર ન હોવા છતાં ચારેક વર્ષથી દવાખાનુ ચલાવતો હોવાનું ખૂલ્યું છે. એસઓજીએ ત્યાંથી દવા, બાટલા, સ્ટેથોસ્કોપ કબજે કર્યા છે. કલ્યાણપુર પોલીસ મથકમાં મેડિકલ પ્રેક્ટિસનર્સ એક્ટ હેઠળ ગુન્હો રજીસ્ટર કરાવાયો છે.
કલ્યાણપુરના ભાટીયામાં દીનદયાળ ચોક પાસે દવાખાનુ ચલાવતા પ્રકાશભાઈ વૈકંુઠરાય અત્રીના કહેવાતા દવાખાનામાં કલ્યાણપુર પોલીસે દરોડો પાડી ચકાસણી કરતા આ શખ્સ પણ ડોક્ટર ન હોવા છતાં મેડિકલ પ્રેક્ટિસ કરતો હોવાનું જણાઈ આવ્યું છે. તેની સામે પણ ગુન્હો નોંધાયો છે.
ખંભાળિયા તાલુકાના વડત્રા ગામમાં પરબતભાઈ કેશુભાઈ નામના આસામીના મકાનમાં ભાડેથી રહેતા અને મૂળ પશ્ચિમ બંગાળના ઈતખોલાપરા ગામના વતની અરવિંદ અનિલભાઈ ઠાકુર નામના શખ્સને ત્યાં પણ એસઓજીએ ચકાસણી કરતા આ શખ્સના કહેવાતા દવાખાનામાંથી દવા, સ્ટેથોસ્કોપ, બીપી માપવાનું મશીન વગેરે મળી આવ્યા હતા. આ શખ્સ પણ કોઈપણ જાતની ડિગ્રી વગર તબીબી પ્રેક્ટિસ કરતો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
