બ્રહ્માકુમારીઝ સાથે જોડાયેલા ૬૨ દંપતીઓનું સન્માન

Author: નોબત સમાચાર

બ્રહ્માકુમારીઝ સાથે જોડાયેલા ૬૨ દંપતીઓનું સન્માન

જામનગરના રત્નાગર ભવન સેવા કેન્દ્ર દ્વારા

જામનગર તા. ૧: જામનગરના બ્રહ્માકુમારી સેવા કેન્દ્ર દ્વારા દંપતી માટે પવિત્ર જીવન યાત્રા મહોત્સવ કાર્યક્રમ યોજાયો હતો., જેમાં રંગેચંગે સાંસ્કૃતિક કાર્યક્રમની સાથોસાથ બી.કે. ડો. દામિનીના સ્વરથી આયોજનમાં ચાર ચાંદ લાગ્યા હતા. છેલ્લા પાંચ વર્ષથી વધુ જ્ઞાનમાં હોય તેવા ૬૨ દંપતીને સન્માનિત કરાયા હતાં.

જામનગર બ્રહ્માકુમારી રત્નાગર ભવન સેવા કેન્દ્રના પ્રભારી બી.કે. સુષ્મા દીદીના સાનિધ્યમાં બ્રહ્માકુમારી સાથે જોડાયેલા દંપતીનું સન્માન સમારોહ કાર્યક્રમ નું ધ્રોલના વાકિયામાં આંબા ભગતની વાડીમાં આયોજન કરવામાં આવ્યું હતું, આ કાર્યક્રમમાં અતિથિ વિશેષ તરીકે અમદાવાદ સેવા કેન્દ્રના બી.કે. ડો. દામિની અને તીર્થરાજ પ્રયાગના મુખ્યપ્રસાશિકા બી.કે. મનોરમા દીદીએ જામનગરના જિજ્ઞાસુઓને જ્ઞાનઅમૃત પીરસ્યું હતું.

જામનગર બ્રહ્માકુમારી દ્વારા આ કાર્યક્રમ ધ્રોલના આંબા ભગતની જગ્યામાં આયોજિત કરવામાં આવ્યો હતો, શરૂઆત ધ્રોલ સેવા કેન્દ્રના બી.કે. પ્રકાશ બહેન દ્વારા સર્વે મહેમાનોનું કુમકુમ તિલક અને પુષ્પ વર્ષાથી સ્વાગત કરવામાં આવ્યું હતું, ડો. બી.કે. દામિનીના સ્વરથી સમગ્ર માહોલ ઈશ્વરમય બની ગયો હતો. આ કાર્યક્રમમાં ધ્રોલની બાળાઓ દ્વારા બ્રહ્માકુમારીના આધ્યાત્મિક ગીત પર સાંસ્કૃતિક કાર્યક્રમ યોજાયો હતો આ કાર્યક્રમમાં ભાગ લેનાર પાંચ વર્ષથી વધુ જ્ઞાનમાં ચાલતા ૬૨ બ્રહ્માકુમારી સેવા કેન્દ્ર સાથે સંકળાયેલા યુગલો ને સન્માનિત કરવામાં આવ્યા હતા, પ્રયાગરાજ થી પધારેલા બી.કે. મનોરમા દીદી એ પોતાની મધુર વાણીથી દંપત્તિને જીવનમાં સંતુલન કેવી રીતે જાળવવું આધુનિક સમયના કળિયુગના વાતાવરણમાં શાંતિ- સ્નેહ અને ભાઈચારાથી સમાજ જીવનમાં કેવો વ્યવહાર કેળવવો તે સહિતની બાબતોની ભાઈ- બહેનોને સમજ આપી હતી, આ સમગ્ર કાર્યક્રમમાં બ્રહ્માકુમારી પરિવારના જામનગર સેવા કેન્દ્ર, ધ્રોલ સેવા કેન્દ્ર, કાલાવાડ સેવા કેન્દ્ર સહિતના સમગ્ર હાલારના ભાઈ -બહેનો બહોળા પ્રમાણમાં ઉપસ્થિત રહૃાા હતા.

જો આપને આ પોસ્ટ ગમી હોય તો શેર કરો...