Author: નોબત સમાચાર
જામનગરમાં રિક્ષામાં મુસાફરી કરનાર મહિલાની બંગડીની લૂંટ ચલાવનાર ગેંગના પાંચ ઝડપાયા
જામનગર તા. ૨૦: જામનગરમાં ચૂનાના ભઠ્ઠા વિસ્તારમાં રહેતા એક બૂઝુર્ગ મહિલા રિક્ષામાં અન્ય મુસાફરો સાથે બેઠા હતા. તે દરમિયાન એક મહિલા સહિતના પાંચ શખ્સે તેણીને ડરાવી ધમકાવી હાથમાં પહેરેલી રૂ.૮૦ હજારની સોનાની બંગડીની લૂંટ ચલાવી ટોળકી ભાગી છૂટી હતી. તેઓ સામે પોલીસ મથકમાં ફરિયાદ નોંધાવ્યા પછી પોલીસે ધાડપાડુ ગેંગના એક મહિલા સહિતના પાંચને ઝડપી લીધા છે. તે ટોળકીએ સાતથી વધુ ગુન્હાઓને અંજામ આપ્યો હોવાનું જાણવા મળ્યું છે.
જામનગરના ચૂનાના ભઠ્ઠા વિસ્તારમાં રહેતા સવિતાબેન બચુભાઈ ઝાલા (ઉ.વ.૭૦) તા.૧૩ના ખંભાળિયા નાકા પાસેથી રિક્ષામાં પોતાના ઘેર જવા નીકળ્યા હતા. તે રિક્ષામાં અગાઉથી એક મહિલા અને ત્રણ પુરૂષ આગળ પાછળ બેઠા હતા. રિક્ષા ચાલુ કર્યા બાદ તમામે મળીને મહિલાને મારકૂટ કરી ડરાવી ધમકાવી તેણીના હાથમાં પહેરેલી ૮૦ હજારની કિંમતની સોનાની બે બંગડીની લૂંટ ચલાવી રસ્તા વચ્ચે ઉતારીને રિક્ષામાં તમામ આરોપીઓ ભાગી છૂટ્યા હતા. તે અંગે પોલીસમાં ફરિયાદ નોંધાઈ હતી.
ફરિયાદના અનુસંધાને પોલીસે તપાસ શરૂ કરી હતી અને તપાસના અંતે એક મહિલા સહિતના પાંચ શખ્સને અટકાયતમાં લઈ લીધા હતા. જેમાં જામનગર નજીક ગોરધનપર વિસ્તારમાં રહેતી વિજયાબેન રૂપેશભાઈ પરમાર ઉપરાંત રૂપેશ જેરામભાઈ પરમાર, અજય સોલંકી, લાલજીભાઈ સોલંકી, આકાશ ચંદુભાઈ પરમારની અટકાયત કરવામાં આવી હતી.
તેણે અડધો ડઝનથી વધુ બનાવોને અંજામ આપ્યો છે અને પેસેન્જર તરીકે એકલા વ્યક્તિને બેસાડી તેના રોકડ, દાગીના સહિતના માલ સામાનની લૂંટ ચલાવી પેસેન્જરને રસ્તામાં ઉતારીને ભાગી છૂટતા હતા. તે ટોળકી આખરે પોલીસના સકંજામાં આવી ગઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
