Author: નોબત સમાચાર
ભાઈઓ સાથે રહેવા અને કહુ તેમ કર તેવું કહેનાર શખ્સે ધરમપુરમાં યુવાન પર કર્યાે હુમલો
મોટી ખાવડીના યુવાન પર હુમલોઃ મોટરમાં તોડફોડઃ
જામનગર તા. ૨૮: ધ્રોલના સુધાધુના ગામના યુવાનને ગઈ કાલે સવારે ધરમપુરમાં એક શખ્સે ભાઈઓ ભેગા રહેવા અને પોતે કહે તેમ કરવાનું કહી ગાળો ભાંડી વાંસામાં કાચની બોટલ ફટકારી હતી. જ્યારે રવિવારની રાત્રે મોટી ખાવડીમાં એક યુવાન પર એક શખ્સ તથા મહિલાએ હુમલો કરી માર મારતા આ યુવાનને નાકમાં ફ્રેક્ચર થઈ ગયું છે.
ધ્રોલ તાલુકાના સુધાધુના ગામમાં રહેતા મનસુખભાઈ વીરાભાઈ ભુંડીયા નામના ભરવાડ યુવાન ગઈકાલે સવારે ધરમપુર ગામમાં પાનની એક દુકાન પાસે હતા ત્યારે મેસરૂભાઈ રઘાભાઈ ભુંડીયા આવ્યા હતા.
આ વેળાએ મનસુખભાઈ ને તેમના ભાઈઓ સાથે રહેવા માટે અને હું કહુ તેમ કરવા માટે મેસરૂભાઈએ કહેતા મનસુખભાઈએ તેમ કરવાની ના પાડી હતી. તેથી ઉશ્કેરાયેલા મેસરૂભાઈએ ગાળો ભાંડી પતાવી દેવાની ધમકી આપવા ઉપરાંત પાનની દુકાનમાં પડેલી કાચની બોટલ ઉપાડી વાંસામાં ફટકારી હતી. ધ્રોલ પોલીસ સ્ટેશનમાં તેની ફરિયાદ કરાઈ છે.
જામનગર-ખંભાળિયા ધોરીમાર્ગ પર મેઘપર ગામમાં આવેલા રામદૂતનગરમાં રહેતા શક્તિસિંહ રણજીતસિંહ રાઠોડ નામના યુવાન રવિવારે રાત્રે મોટી ખાવડીની સીમમાં એક હોટલ પાસે હતા ત્યારે મેઘપર ગામના મનોજસિંહ રણજીતસિંહ જાડેજા ઉર્ફે કારીયો તથા જોગવડ ગામના ભાવનાબા રણજીતસિંહ રાઠોડ ધસી આવ્યા હતા.
આ વ્યક્તિઓએ શક્તિસિંહને ઢીકાપાટુનો માર માર્યાે હતો અને મનોજસિંહે કડાથી મ્હોંના ભાગે ઈજા કરતા શક્તિસિંહને નાકમાં ફ્રેકચર થઈ ગયું હતું. તે ઉપરાંત શક્તિસિંહની મોટરમાં કાચ ફોડી નાખવામાં આવ્યો હતો. મેઘપર પોલીસ સ્ટેશનમાં ફરિયાદ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
