Author: નોબત સમાચાર
રણજીતસાગર-સસોઈ સહિતના જળાશયો ઓવરફ્લોઃ પર્યાપ્ત પાણીનો જથ્થો ઉપલબ્ધ
શહેરને સવા વર્ષ સુધી પાણી ચાલી શકેઃ
જામનગર તા. ૯: જામનગર શહેરના નાગરિકો માટે શ્રાવણ માસ પછી ભાદરવો પણ ભરપૂર રહ્યો છે, અને આખરે જામનગર શહેરને પાણી પૂરૃં પાડતા રણજીતસાગર, સસોઈ, ઉન્ડ અને આજી સહિતના તમામ જળાશયો ઓવરફ્લો અથવા તો પૂર્ણ ભરાયા હોવાથી શહેરને સવા વર્ષ સુધી પાણી ચાલી શકે તેટલો પર્યાપ્ત માત્રામાં પાણીનો જથ્થો ઉપલબ્ધ બન્યો છે, જેથી આ વર્ષ માટે શહેરમાં પાણીનું સંકટ દૂર થયું છે.
જામનગર શહેરમાં પ્રતિદિન ૧૪પ એમએલડી પાણી અલગ અલગ ડેમોમાંથી મેળવીને એકાંતરા પાણી વિતરણ કરવામાં આવે છે. જામનગર શહેરના જીવાદોરી સમાન એવા રણજીતસાર ડેમમાંથી પ્રતિદિન ૪૦ એમ.એલ.ડી. પાણી ઉપાડવામાં આવે છે, અને જે ડેમ હાલ ઓવરફ્લો થયો છે, સસોઈ ડેમ કે જેમાંથી પણ પ્રતિદિન રપ એમ.એલ.ડી. પાણી ઉપાડવામાં આવે છે અને તે પણ ઓવરફ્લો થઈ ગયો છે.
આ ઉપરાંત આજી-૩ ડેમમાંથી પ્રતિદિન ૪૦ એમ.એલ.ડી. પાણી ઉપાડવામાં આવી રહ્યું છે, અને તે ડેમનું લેવલ જળવાયેલું રહે, તેટલો પર્યાપ્ત માત્રામાં પાણીનો જથ્થો ઉપલબ્ધ થઈ ગયો છે, જ્યારે ઊંડ-૧ ડેમ કે જેમાં પણ ડેમનું લેવલ જાળવવા માટે પાણી આવી ચૂક્યું હોવાથી તેમાંથી પ્રતિદિન રપ એમ.એલ.ડી. પાણી ઉપાડવામાં આવી રહ્યું છે. આ ઉપરાંત પણ નર્મદા ડેમમાંથી પણ પ્રતિદિન પર.૧પ એમ.એલ.ડી. પાણી ઉપાડવામાં આવે છે.
જામનગર શહેરમાં પાણીના ફિલ્ટરેશન માટેના છ પ્લાન્ટ કાર્યરત છે, જેમાં પંપહાઉસ પાસે ત્રણ, ખીજડિયા પાસે બે અને જ્ઞાનગંગા પાસે એક ફિલ્ટર પ્લાન્ટ કાર્યરત છે.
જે તમામ પ્લાન્ટ માં પ્રતિદિન મળીને ૧૪૫ એમએલડી પાણી ફિલ્ટર થઈ રહૃાું છે, અને શહેરના અલગ અલગ બાર જેટલા પાણીના ટાંકામાં પાઇપલાઇન મારફતે પહોંચાડવામાં આવે છે, શહેરને ૧૨ ઝોનમાં અલગ પાડવામાં આવ્યું છે, અને તમામ ઝોનમાં અલગ અલગ સમયે એકાંતરા ૪૫ મિનિટ માટે પાણી વિતરણ થઈ રહૃાું છે.
જે પ્રમાણે પાણી વિતરણની વ્યવસ્થા ચાલે તો જામનગર શહેરને સવા વર્ષ સુધી પાણીની કોઈ ઘટ રહે નહીં, તેટલો પર્યાપ્ત માત્રામાં પાણીનો જથ્થો ઉપલબ્ધ બન્યો છે. જેથી જામનગર વાસીઓ માટે પાણીનું સંકટ હળવું બની ગયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
