Author: નોબત સમાચાર
ખંભાળિયાના પીર લાખાસરમાં ખેતર સ્થિત મકાનમાં જુગારઃ મહિલા સહિત નવ ઝડપાયા
રોકડ, રિક્ષા, બાઈક ઝબ્બે લેવાયામાં આવ્યાઃ
જામનગર તા. ૨૬: ખંભાળિયાના પીર લાખાસર ગામમાં સોનારીયા વાડી વિસ્તારમાં બે ખેતર સ્થિત મકાનોમાં બુધવારની રાત્રે પોલીસે દરોડા પાડી એક મહિલા સહિત નવને ગંજીપાનાથી જુગાર રમતા પકડી પાડ્યા છે. પટમાંથી રોકડ, રિક્ષા, બાઈક કબજે કરી લેવાયા છે.
ખંભાળિયા તાલુકાના પીર લાખાસર ગામમાં સોનારીયા વાડી વિસ્તારમાં એક ખેતર સ્થિત મકાનમાં જુગાર રમાતો હોવાની બાતમી પરથી બુધવારની રાત્રે દોઢેક વાગ્યે ખંભાળિયા પોલીસ સ્ટેશનના સ્ટાફે હનીફ ઉઢાભાઈ દેથા નામના શખ્સના ખેતર સ્થિત મકાનમાં દરોડો પાડ્યો હતો.
તે જગ્યાએ હનીફને નાલ આપી ગંજીપાનાથી જુગાર રમતા ઉકાભાઈ ગગુભાઈ નંદાણીયા, બાબુભાઈ નાથાભાઈ બાંભવા, જુમાભાઈ બાવાભાઈ હીંગોરા નામના ત્રણ શખ્સ મળી આવ્યા હતા. પટમાંથી રૂ. ૨૦ હજાર રોકડા, જીજે-૧૦-યુ ૨૮૩૭ નંબરની રિક્ષા મળી કુલ રૂ. ૧ લાખ ૨૦ હજારનો મુદ્દામાલ કબજે કરાયો છે. જુગારધારાની કલમ ૪, ૫ હેઠળ ગુન્હો નોંધાયો છે.
ત્યાં જ આવેલા ગફાર અબ્દુલભાઈ ખફીના ખેતરમાં પણ પોલીસે દરોડો પાડ્યો હતો. ત્યાં આવેલા મકાનમાં ગફાર ખફીને નાલ આપી તીનપત્તી રમતા ડાયાભાઈ હાજાભાઈ બાંભવા, ફારૂક મામદભાઈ ખીરા, આઈશાબેન જુમાભાઈ હીંગોરા, હનીફ ઉઢાભાઈ દેથા નામના ચારેય શખ્સ મળી આવ્યા હતા. પોલીસે પટમાંથી રૂ. ૧૫૬૦૦ રોકડા, જીજે-૧૦-બીબી ૪૯૭૯ નંબરનું બાઈક મળી કુલ રૂ. ૩૦૬૦૦નો મુદ્દામાલ કબજે કરી જુગારધારાની કલમ ૪, ૫ હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
