Author: નોબત સમાચાર
કાલાવડના બામણમાં બાઈક સ્લીપ થતાં ફંગોળાયેલા યુવાનનું મૃત્યુઃ એકને ઈજા
અન્ય બે અકસ્માતની પોલીસમાં કરાઈ ફરિયાદઃ
જામનગર તા. ૨૯: કાલાવડના બામણ ગામમાં ગઈકાલે બપોરે એક બાઈક સ્લીપ થતાં તેના પર જતા સાળા-બનેવી ફંગોળાયા હતા. ગંભીર ઈજા પામેલા સાળાનું સારવારમાં મૃત્યુ નિપજ્યું છે. શનિવારે બપોરે ઠેબા બાયપાસ પાસે સ્કૂલ વાનને ટક્કર મારનાર ડમ્પરના ચાલક સામે ફરિયાદ કરાઈ છે, નગરના બે બંધુના સ્કૂટર પાછળ બાઈક ટકરાતા બંનેને ઈજા થઈ છે.
કાલાવડ તાલુકાના બામણ ગામમાં રહેતા રાજેશભાઈ વિરજીભાઈ રાઠોડ (ઉ.વ.૩૭) તથા તેમના બનેવી ગઈકાલે બપોરે બેએક વાગ્યે જીજે-૧૦-ઈઈ ૯૯૪૬ નંબરના હીરો મોટરસાયકલ પર જૂના બામણ ગામથી પોતાના ઘર તરફ જતા હતા.
તેઓ જ્યારે ગ્રામ પંચાયત કચેરી પાસે પહોંચ્યા ત્યારે કોઈ કારણથી બાઈક સ્લીપ થતાં બંને સાળા-બનેવી રોડ પર પછડાયા હતા. આ અકસ્માતમાં માથામાં ગંભીર ઈજા પામેલા રાજેશભાઈનું મૃત્યુ નિપજ્યું છે. તેમના ભાઈ સુરેશભાઈ રાઠોડે પોલીસને જાણ કરી છે.
જામનગરના ઠેબા બાયપાસ પાસેથી શનિવારે બપોરે સાડા અગિયારેક વાગ્યે શ્યામ ગ્રીન ટાઉનશીપમાં રહેતા યોગેશભાઈ પરસોત્તમભાઈ કણજારીયા નામના મોટરના ચાલક પોતાની સ્કૂલ વાનમાં વિદ્યાર્થીઓને બેસાડી શાળાએ છોડવા માટે જતા હતા. ત્યારે માર્ગમાં રોંગ સાઈડમાં ધસી આવેલા જીજે-૩-એઝેડ ૮૯૮૦ નંબરના ડમ્પરના ચાલકે ઠોકર મારી હતી. આ અકસ્માતમાં કેટલીક વિદ્યાર્થીનીઓને નાની મોટી ઈજા થઈ હતી. ડમ્પરના ચાલક સામે યોગેશભાઈએ પોલીસમાં ફરિયાદ નોંધાવી છે.
જામનગરના દિગ્વિજય પ્લોટ વિસ્તારમાં રહેતા વસંતભાઈ ધરમશીભાઈ ગજરા તથા તેમના ભાઈ હેમરાજભાઈ ગયા મંગળવારે સાંજે સ્કૂટર પર જતા હતા ત્યારે જીજે-૧૦-બીસી ૨૮૫૦ નંબરના બાઈકના ચાલકે અકસ્માત સર્જતા બંને ભાઈઓને ઈજા થઈ છે. વસંતભાઈએ બાઈકચાલક સામે રાવ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
