Author: નોબત સમાચાર
જામજોધપુરના પાનેલી પાસે મોટરમાં લઈ જવાતો દેશી દારૂનો જથ્થો ઝડપાયો
પોલીસે મોટરનો પીછો કરતા સર્જાયા ફિલ્મી દૃશ્યોઃ
જામનગર તા. ૨: જામજોધપુરના પાનેલી ગામ તરફ ગઈરાત્રે દોડી જતી એક ઈનોવા મોટરમાંથી પોલીસે ૨૦૦ લીટર દેશી દારૂ કબજે કર્યાે છે. પોલીસને જોઈને મોટર નસાડી મુકવામાં આવી હતી. જેનો પીછો પકડી પોલીસે મોટર કબજે કરી હતી. તે પહેલાં મોટરનો ચાલક ઉતરીને નાસી ગયો હતો.
જામજોધપુર પોલીસ સ્ટેશનના સ્ટાફ દ્વારા ગઈરાત્રે કરવામાં આવી રહેલા પેટ્રોલિંગમાં એક મોટરમાં દેશી દારૂનો જથ્થો પાનેલી ગામ તરફ લઈ જવાતો હોવાની બાતમી મળતા પીઆઈ એ.એસ. રબારી તથા સ્ટાફે વોચ રાખી હતી.
તે દરમિયાન જીજે-ર૧-બીસી ૬૨૮૪ નંબરની ઈનોવા પસાર થતાં તેને રોકવાનો ઈશારો કરાયો હતો. પોલીસને જોઈને તે મોટર નાસવા માંડી હતી. પોલીસે તેનો પીછો પકડતા મોટર ચાલકે સીદસર ગામના પુલ પાસે મોટર ટકરાવી દીધી હતી. પોલીસ ત્યાં પહોંચે પહેલાં મોટરનો ચાલક ઉતરીને નાસી ગયો હતો.
પોલીસે મોટરની તલાશી લેતા તેમાંથી ૨૦૦ લીટર દેશી દારૂ મળી આવ્યો હતો. પોલીસે દારૂ તથા મોટર મળી રૂ.પ લાખ ૪૦ હજારનો મુદ્દામાલ કબજે કર્યાે છે અને મોટરના ચાલક તેમજ માલિકની શોધ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
