Advertisement
Author: નોબત સમાચાર

હત્યાના બે આરોપીને નકલી પાસપોર્ટ બનાવી આપનાર શખ્સ ખંભાળિયામાં ઝબ્બ

હરિયાણાના ધારાસભ્યની હત્યાનો મામલોઃ

                                                                                                                                                                                                      

જામનગર તા. ૨૪: હરિયાણાના એક ધારાસભ્યની સવા વર્ષ પહેલાં ગોળી મારીને હત્યા નિપજાવવાના આરોપમાં સંડોવાયેલા બે શખ્સને નકલી પાસપોર્ટ બનાવી આપવાના આરોપનો સામનો કરતા વલસાડ જિલ્લાના એક શખ્સે કેટલાક સમયથી ખંભાળિયામાં વસવાટ શરૂ કર્યાે હતો તેના સગડ મળી જતાં હરિયાણા દોડી આવેલી ટાસ્ક ફોર્સ ટીમે એસઓજીને સાથે રાખી આ શખ્સને પકડી પાડ્યો છે.

દેવભૂમિ દ્વારકા જિલ્લાના મુખ્ય મથક ખંભાળિયામાં મૂળ વલસાડ જિલ્લાના ઉમરગામ તાલુકાના સંજાણ બંદરના રહેવાસી એવા શખ્સે પ્રવેશ કરી ચારેક મહિનાથી ખંભાળિયામાં વસવાટ કરી રહ્યો હોવાની બાતમી હરિયાણા રાજ્યની સ્પેશિયલ ટાસ્ક ફોર્સને મળી હતી. આ શખ્સ અંગે વધુ વિગતો દેવભૂમિ દ્વારકા એસઓજીને આપવામાં આવ્યા પછી સ્પેશિયલ ટાસ્ક ફોર્સ ટીમ ખંભાળિયા ધસી આવી હતી. તેના સ્ટાફે એસઓજી સાથે મળી જાહિર અબ્બાસ રફુદ્દીન અબ્દુલકાદર કાલીયા (ઉ.વ.૪૯) નામના શખ્સને દબોચી લીધો હતો.

આ શખ્સ સામે ફેબ્રુઆરી ૨૦૨૪માં હરિયાણાના પૂર્વ એમએલએ અને ભારતીય રાષ્ટ્રીય લોકદળના પ્રદેશ પ્રમુખ નેફસિંહ રાઠીની હત્યા કરવાનો આક્ષેપ છે. આ ધારાસભ્યની સોપારી મેળવી અજાણ્યા શૂટરોએ ગોળી મારી જાહેરમાં હત્યા કરી નાખી હતી તેની તપાસ હરિયાણા એસટીએફ દ્વારા શરૂ કરાતા કપિલ સાંગવાન નામના શખ્સની ગેંગના અતુલ રાજેશ સાંગવાન, નકુલ સાંગવાન નામના શખ્સોની સંડોવણી ખૂલી હતી. આ શખ્સોના સગડ દબાવાતા અતુલે યશ સોલંકી તથા નકુલે દીપક સોલંકી નામથી બોગસ પાસપોર્ટ બનાવી લીધા હતા અને આ શખ્સો તેના આધારે નાસી જવાના પ્લાનમાં હતા. તે શખ્સોના પાસપોર્ટ એજન્ટ તરીકે જાહિર અબ્બાસે ભૂમિકા ભજવી હતી.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh