Author: નોબત સમાચાર
હાપા પાસે આવાસ પાછળ ગાય પર અમાનુષી કૃત્ય આચરતા શખ્સની અટક
સમગ્ર વિસ્તારમાં ફરી વળ્યો ફીટકારઃ
જામનગર તા. ૨૩: જામનગરના હાપા ઉદ્યોગનગર પાસે આવાસની પાછળ ખુલ્લા મેદાનમાં ગઈકાલે બપોરે એક ગાય પર અમાનુષી કૃત્ય આચરી રહેલા હાપા ખારીના એક શખ્સને દોડી આવેલા ગૌશાળાના સ્વયંસેવકોએ પકડી પાડી પોલીસને સોંપી આપ્યો હતો. આ શખ્સ સામે પોલીસે ગુન્હો નોંધી તેની ધરપકડ કરી લીધી છે.
જામનગર નજીક હાપા પાસે આવેલા ઉદ્યોગનગર નજીકના રંગમતી આવાસ પાછળ ખુલ્લા મેદાનમાં ગઈકાલે એક શખ્સ ત્યાં ઉભેલી ગાય પર દુષ્કૃત્ય ગુજારતો હોવાની ત્યાં રહેતા એક મહિલાને જાણ થતાં તેઓએ જામનગરના ગૌસેવા પ્રેમીઓને વાકેફ કર્યા હતા.
તેના પગલે ખીજડિયા બાયપાસ પાસે આવેલી ગૌશાળામાંથી સ્વયંસેવકો દોડી આવ્યા હતા. તેઓએ એક ગાય પર અમાનુષી કૃત્ય ગુજારી રહેલા જામનગરના હાપાના ખારી વિસ્તારમાં રહેતા ચેતન ગોકુલભાઈ રાણેવડીયા નામના ચાલીસ વર્ષના શખ્સને પકડી લઈ પોલીસને સોંપી આપ્યો હતો.
આ શખ્સ સામે પોલીસે હર્ષાબેન એસ. ગોહિલ નામના મહિલાની ફરિયાદ પરથી પશુ પ્રત્યે ક્રૂરતા આચરવાના અધિનિયમની કલમ તેમજ બીએનએસની કલમ ૨૯૯ હેઠળ ગુન્હો નોંધી આરોપીની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
