Author: નોબત સમાચાર
દ્વારકા જિલ્લામાં એક દિવસનો વરાપ નીકળ્યા પછી ફરી મેઘવૃષ્ટિઃ ઝાપટાથી દોઢ ઈંચ સુધી વરસાદ
અનેક જગ્યાએ અતિવૃષ્ટિ છતાં આઠ ડેમ છલકાવાના બાકીઃ
ખંભાળિયા તા. ર૩: દેવભૂમિ દ્વારકામાં એક દિવસના વરાપ પછી ઝાપટાથી દોઢ ઈંચ સુધી વરસાદ પડ્યો છે.
દેવભૂમિ દ્વારકા જિલ્લામાં એક દિવસના વરાપ અને મેઘરાજાના વિરામ પછી ફરી મેઘરાજાએ નવો રાઉન્ડ શરૂ કર્યો હોય, ગઈકાલથી આજ સવારે સુધી ર૪ કલાકમાં ઝાપટાથી માંડીને દોઢ ઈંચ સુધી વરસાદ ચારેય તાલુકાઓમાં નોંધાયો છે.
ખંભાળિયાના ભાણવડ, ખંભાળિયા તથા કલ્યાણપુરમાં અડધો ઈંચ વરસાદ સાથે આખો દિવસ વરસાદી વાતાવરણ સાથે ઝાપટા પડ્યા હતાં, તો દ્વારકામાં ર૪ કલાકમાં દોઢ ઈંચ વરસાદ પડ્યો છે. સતત વરસાદને કારણે ચેકડેમો છલકાઈ ગયા છે, તો ઢગલાબંધ નાના તળાવો છલકાયા છે તથા સુંદર વાતાવરણ સાથે ઝરણા વહેતા થઈ ગયા છે, તો સતત ગારા-કીચડનું સામ્રાજ્ય પણ રસ્તાઓ પર છવાઈ ગયું છે.
દેવભૂમિ દ્વારકા જિલ્લામાં મેઘરાજાએ અનેક વિસ્તારમાં ૩૦-૪૦ ઈંચ વરસાદ આવ્યો હવા છતાં જિલ્લાના સોનમતી વર્તુ-૧ સહિત પાંચ જ ડેમો તેર ડેમમાંથી છલકાયા છે. ઘી ડેમ, સિંહણ ડેમ, ગઢકી, વર્તુ-ર સહિતના મહત્ત્વના ડેમો હજુ છલકાયા નથી. આ ડેમો સિંચાઈમાં પણ મહત્ત્વના હોય, ખેડૂતો આ ડેમો છલકાવાની પ્રતિક્ષામાં છે જેથી શિયાળુ પિયતમાં ઉપયોગી થઈ શકે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
