જામનગરમાં જુગારના છ દરોડામાં ત્રણ સ્ત્રી સહિત તેત્રીસ મળી આવ્યાઃ રૂપિયા સવા બે લાખનો મુદ્દામાલઃ

Author: નોબત સમાચાર

જામનગરમાં જુગારના છ દરોડામાં ત્રણ સ્ત્રી સહિત તેત્રીસ મળી આવ્યાઃ રૂપિયા સવા બે લાખનો મુદ્દામાલઃ

જામનગર તા. ૧: જામનગરના મહાવીરનગર, બેડી વિસ્તાર ઉપરાંત જકાતનાકા નજીક રાજ રાજેશ્વરી સોસાયટીમાં પોલીસે દરોડા પાડી જુગાર ઝડપી લીધો હતો. સિક્કા, દરેડ તથા જામજોધપુરના ગોપમાં પણ દરોડા પાડવામાં આવ્યા હતા. કુલ છ દરોડામાં ત્રણ મહિલા અને ત્રીસ પુરૂષ ઝડપાયા છે. એક નાસી ગયો છે. રૂપિયા સવા બે લાખ ઉપરાંતનો મુદ્દામાલ કબજે કરાયો છે.

જામનગરના રણજીતસાગર રોડ પર હર્ષદ મીલની ચાલીની પાછળ મહાવીરનગરમાં ગઈકાલે જુગાર રમાતો હોવાની બાતમી પરથી સિટી એ ડિવિઝનના સ્ટાફે રાત્રે બે વાગ્યે દરોડો પાડ્યો હતો. ત્યાં તીનપત્તી રમતા આશિષ સુરેશભાઈ સોલંકી, મહેશ જેરામભાઈ ઢાકેચા, અજય અશોકભાઈ ઢાકેચા, ધર્મેન્દ્ર કિશનભાઈ પરમાર, જયેશ કિશોરભાઈ સોલંકી, ભરત શંકરભાઈ નારોલા, ભાસ્કર મધુકર ચૌહાણ ઉર્ફે ભાવેશ નામના સાત શખ્સ ઝડપાઈ ગયા હતા. પોલીસે પટમાંથી રૂ.૧૧૧૩૦ રોકડા કબજે કર્યા છે.

જામજોધપુર તાલુકાના ગોપ ગામના વાડી વિસ્તારમાં ગઈકાલે સાંજે તીનપત્તી રમતા કરશનભાઈ મારખીભાઈ ભાટુ, ઈશાક ગુલમામદ ધુધા, ભીખુભાઈ ભીમજીભાઈ પરમાર, સંજય કરશનભાઈ ચાવડા, ડાડુભાઈ મારખીભાઈ બેરા, ભાયાભાઈ ભીમશીભાઈ ડાંગર નામના છ શખ્સ પોલીસના દરોડામાં પકડાઈ ગયા હતા. પટમાંથી રૂ.૨૪૮૦૦ રોકડા, એક બાઈક, પાંચ મોબાઈલ કબજે કરવામાં આવ્યા છે.

જામનગર નજીકના દરેડમાં ગોકુલધામ સોસાયટીમાં ગઈકાલે સાંજે રોનપોલીસ રમતા સતિષ રાજાભાઈ સાગઠીયા, શાહનવાઝ મહંમદઅબ્દુલ ખેરાણી, શાહરૂખ કાદરભાઈ ખેરાણી, કારાભાઈ ચનાભાઈ રાઠોડ, મનસુખભાઈ વાલાભાઈ રાઠોડ, મુળજી પાલાભાઈ સાગઠીયા નામના છ શખ્સ રૂ.૭૦ હજાર રોકડા તથા છ મોબાઈલ સાથે પકડાયા છે.

જામનગરના બેડી વિસ્તારમાં એકડેએક દરગાહ પાસે ગઈરાત્રે ગંજીપાનાથી જુગાર રમતા આમદ ગફાર જામ, સલીમ કરીમ જેડા, ગુલામ જુસબ ભગાડ, ફિરોઝ અબ્દુલ નોતીયાર, અનવર નુરમામદ ખોડ, અનવર ઉર્ફે નઝીર કાસમ વાઘેર, કરીમ દાઉદ જેડા નામના સાત શખ્સ ઝડપાયા છે. ઈશાક ઓસમાણ ચમડીયા નાસી ગયો છે. પટમાંથી રૂ.૧૯૭૧૦ કબજે થયા છે.

જામનગરના ગોકુલનગર નજીક રાજ રાજેશ્વરી સોસાયટીમાં ગઈકાલે સાંજે ગંજીપાનાથી જુગાર રમતા બાબુભાઈ કારાભાઈ જેપાર, રતીલાલ વેલજીભાઈ રાજ્યગુરૂ, હંસાબેન મનસુખભાઈ ગઢીયા, સુશીલાબેન રાજેશભાઈ જોષી, જયોત્સનાબેન રતીલાલ રાજ્યગુરૂ નામના પાંચ વ્યક્તિ પકડાઈ ગયા હતા. પટમાંથી રૂ.૧૨૮૪૦ રોકડા કબજે લેવાયા છે.

જામનગર તાલુકાના સિક્કા ગામમાં ગઈકાલે બપોરે ગંજીપાના કૂટતા અનવર તાલમ હુંદડા, અસગર તાલમ હુંદડા નામના બે શખ્સ ઝડપાઈ ગયા છે.

જો આપને આ પોસ્ટ ગમી હોય તો શેર કરો...