Author: નોબત સમાચાર
અધધધ... એક અબજ રૂપિયાના કૌભાંડની આશંકાઃ બ્રાસનગરીમાં ફફડાટઃ દોડધામ મચી
જામનગરમાં રપ સ્થળે જીએસટીના દરોડાઃ સી.એ. માસ્ટર માઈન્ડ?
જામનગર તા. ૪: જી.એસ.ટી. વિભાગની ટૂકડીએ ગઈકાલે જામનગરમાં રપ થી વધુ સ્થળોએ દરોડા પાડ્યા હતાં. આ સમગ્ર પ્રકરણમાં હજુ તપાસ ચાલી રહી છે, પરંતુ રૂ. ૧૦૦ કરોડનું કૌભાંડ આચરવામાં આવ્યું હોવાનું જાણવા મળે છે, અને માસ્ટર માઈન્ડ તરીકે ચાટર્ડ એકાઉન્ટન્ટ (સી.એ.) હોવાનું પણ જાણવા મળ્યું છે.
જી.એસ.ટી. વિભાગની ટૂકડીના જામનગરમાં આંટાફેરા વધ્યા છે. થોડા દિવસ પહેલા સાંઢિયા પુલ પાસેથી આઠેક વાહનો બ્રાસપાર્ટસનો જથ્થો ભરેલ ઝડપી લેવાયા પછી તેની પેનલ્ટી સહિતની વસૂલાત કરવામાં આવી હતી.
ફરી એક વખત ગઈકાલે જી.એસ.ટી. વિભાગની ટૂકડી જામનગરમાં ત્રાટકી હતી. આ ટૂકડીમાં રાજકોટ, જૂનાગઢ, જામનગર સહિતના અધિકારીઓ જોડાયા હતાં અને સી.એ. અલ્પેશ પેઢડિયાની ઓફિસે ટૂકડી પહોંચી હતી, જો કે ત્યાં સી.એ. હાજર મળી આવ્યા ન હતાં. ઉપરાંત બ્રાસ એસોસિએટનું પણ નામ ઉછળ્યું છે.
ઉપરાંત જીઆઈડીસીમાં તથા બાંધકામ ઉદ્યોગ સાથે સંકળાયેલા ધંધાર્થીને ત્યાં પણ વ્યાપક પ્રમાણમાં ચકાસણી કરવામાં આવી હતી. આથી અમુક ધંધાર્થીઓમાં દોડધામ મચી જવા પામી હતી.
ગઈકાલે વહેલી સવારે અલગ અલગ સાત ટૂકડીઓ દ્વારા જામનગરમાં મોટાપાયે દરોડાની કાર્યવાહી શરૂ કરવામાં આવી હતી.
ક્રેડિટ ઈન્પુટનું સમગ્ર કૌભાંડ હોવાનું જાણવા મળી રહ્યું છે. જેનો આંકડો આશરે રૂ. ૧૦૦ કરોડ જેટલો થવા જાય છે, જો કે હજુ સુધી સત્તાવાર કોઈપણ વિગતો જાહેર થઈ નથી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
