Author: નોબત સમાચાર
જામનગરમાં પોલીસ દ્વારા યોજાઈ સ્પેશિયલ ટ્રાફિક ડ્રાઈવઃ સંખ્યાબંધ કેસ કરવામાં આવ્યા
આજે પણ મુખ્ય માર્ગાે પર હાથ ધરાયું ચેકીંગઃ
જામનગર તા. ૯: જામનગરમાં ગઈકાલથી પોલીસ દ્વારા સ્પેશિયલ ટ્રાફિક ડ્રાઈવ યોજવામાં આવી છે. જેમાં ગઈકાલે કાળી ફિલ્મ લગાડેલી મોટરો, નંબર પ્લેટ વગરના વાહનો, ફેન્સી નંબર પ્લેટવાળા વાહનો પકડી પાડવામાં આવ્યા હતા. તે ઉપરાંત આજે પણ કાર્યવાહી કરાઈ રહી છે.
જામનગર શહેર તથા જિલ્લામાં ગઈકાલે સ્પેશિયલ ટ્રાફિક ડ્રાઈવનું આયોજન કરવા અપાયેલી સૂચનાના પગલે ઈન્ચાર્જ પોલીસ અધિક્ષક શ્રી પ્રતિભાની સૂચનાથી ગઈકાલે જામનગરના સિટી એ, બી, સી ડિવિઝન પોલીસ સ્ટેશનના સ્ટાફ તેમજ ટ્રાફિક શાખા, એલસીબી ટીમ દ્વારા કાર્યવાહી હાથ ધરાઈ હતી.
ગઈકાલે જુદા જુદા સ્થળોએ પોલીસે મોટરમાં લગાડવામાં આવેલી કાળી ફિલ્મ તેમજ નંબર પ્લેટ વગરના વાહનો, ફેન્સી નંબર પ્લેટવાળા વાહનો, હથિયાર સાથે રાખીને જતા વાહનચાલકોને પકડી પાડવા ચેકીંગ કર્યું હતું. જેમાં કાળી ફિલ્મ લગાડેલી ૩૪ મોટર સામે કાર્યવાહી થઈ હતી.
તે ઉપરાંત નંબર પ્લેટ વગરના ૬૪ વાહન અને ફેન્સી નંબર પ્લેટવાળા ૧૬ વાહન ઝડપાયા હતા. જીપી એક્ટ ૧૩૫ (૧) હેઠળ એક ગુન્હો નોંધાયો હતો. જ્યારે એમવી એક્ટની કલમ ૧૮પ હેઠળ બે કેસ કરવામાં આવ્યા હતા.
ગઈકાલથી શરૂ કરાયેલી ટ્રાફિક ડ્રાઈવ અંતર્ગત ગઈકાલે રાત્રે ગુલાબનગર પોલીસચોકી પાસે પણ પોલીસ કાફલો વોચમાં રહ્યો હતો તે પછી આજે સવારથી પણ શહેરના મુખ્ય માર્ગાે પર ડ્રાઈવ કરવામાં આવી રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
