Author: નોબત સમાચાર
દ્વારકાના ધીણકીમાં ખેતરમાં જામેલા જુગાર પર દરોડોઃ સાત પત્તાપ્રેમી પકડાઈ ગયા
ગજાભી-આંબરડીમાં છ શખ્સ તીનપત્તી રમતા મળ્યાઃ
જામનગર તા. ૮: દ્વારકાના ધીણકી ગામમાં એક ખેતરમાં જામેલા જુગાર પર પોલીસે દરોડો પાડી સાત શખ્સને ગંજીપાના કૂટતા પકડી પાડ્યા છે. જ્યારે દ્વારકા શહેરમાંથી પાંચ પત્તાપ્રેમી રૂ.૫૫ હજારની મત્તા સાથે ઝડપાયા છે. ભાણવડના ગજાભી-આંબરડી ગામમાંથી છ શખ્સ તીનપત્તી રમતા ઝડપાઈ ગયા છે.
દેવભૂમિ દ્વારકા જિલ્લાના ભાણવડ તાલુકાના ગજાભી-આંબરડી ગામમાં શનિવારની રાત્રે જુગાર રમાતો હોવાની બાતમી પરથી પોલીસે દરોડો પાડ્યો હતો. ત્યાંથી રણમલભાઈ મીયાઝરભાઈ ઓડેદરા, વેજાભાઈ લાખાભાઈ કરમુર, રામશી દેવાભાઈ કરમુર, જયદીપ મેરામણભાઈ રાવલીયા, સામતભાઈ રાજશીભાઈ ચાવડા, ટપુભાઈ ખીમાભાઈ ચાવડા નામના છ શખ્સ ઝડપાઈ ગયા હતા. પટમાંથી રૂ.ર૦૧૩૦ કબજે કરાયા છે.
દ્વારકા શહેરમાં નરસંગ ટેકરી પાસે શનિવારે રાત્રે તીનપત્તી રમતા થારીયાભા ભીખુભા નાયાણી, રાજુ ભીખુભાઈ ત્રિવેદી, મોઈન ઉર્ફે રહીમ હારૂન વેતરણ, કરણ હોથીભા સુમણીયા, જીતુભા દોલુભા માણેક નામના પાંચ શખ્સ પોલીસના દરોડામાં ઝડપાઈ ગયા હતા. પટમાંથી રૂ.૨૦૨૨૦ રોકડા, છ મોબાઈલ કબજે કરાયા છે.
દ્વારકા તાલુકાના ધીણકી ગામમાં ગઈકાલે સાંજે એક ખેતરમાં જુગાર રમાતો હોવાની બાતમી પરથી દ્વારકા પોલીસે રામદેભાઈ ખીમાભાઈ કરંગીયા નામના ખેડૂતના ખેતરમાં દરોડો પાડ્યો હતો. ત્યાંથી જુગાર રમતા રામદેભાઈ ખીમાભાઈ, ખીમાભાઈ દેવાણંદભાઈ માડમ, ખીમાભાઈ પરબતભાઈ ગોજીયા, સવદાસ કરણાભાઈ કરંગીયા, રામશીભાઈ કારૂભાઈ કરંગીયા, જગદીશ રમેશભાઈ કરંગીયા, દેવાત ખીમાભાઈ કરંગીયા નામના સાત શખ્સ રૂ.૩૦૨૦૦ સાથે ઝડપાઈ ગયા હતા. પોલીસે તમામ સામે જુગારધારાની કલમ ૪, ૫ હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
