Author: નોબત સમાચાર
રાઈડના ધારક પાસે રૂ.૫૦ હજારની લાંચ માંગનાર બે અધિકારીના ઘેર કરાઈ ચકાસણી
બુધવારે રાજકોટમાં ગોઠવાયું હતું છટકુઃ
જામનગર તા. ૩૧ઃ કાલાવડના રણુજામાં બે મહિના પહેલાં યોજાયેલા લોકમેળામાં એક આસામીએ યાંત્રીક રાઈડ મૂકી હતી. તેના ફીટનેસ સર્ટિફિકેટ સામે બે અધિકારીએ રૂ.૧ લાખની લાંચ માંગ્યા પછી ૫૦ હજારમાં સેટલમેન્ટ થયું હતું. તે રકમ રાજકોટમાં લેવા આવેલા શખ્સને એસીબીએ દબોચી લઈ ત્રણેય સામે ગુન્હો નોંધ્યા પછી બંને આરોપીના રહેણાંકની તલાશી લીધી હતી. જો કે, તેમાં કંઈ વાંધાજનક મળ્યું નથી.
કાલાવડ નજીકના રણુજામાં દર ભાદરવા મહિનામાં લોકમેળો યોજવામાં આવે છે. જેમાં યાંત્રીક રાઈડ મૂકી વ્યવસાય કરતા એક આસામી પાસે માર્ગ અને મકાન વિભાગના યાંત્રીક પેટા વિભાગમાં કાર્યપાલક ઈજનેર તરીકે ફરજ બજાવતા પિયુષ બાંભરોલીયા, નાયબ કાર્યપાલક ઈજનેર નિરવ રાઠોડ રૂટીન મુજબ જે તે સમયે ચેકીંગમાં પહોંચ્યા હતા.
આ વેળાએ રાઈડ ધારક પાસે ફીટનેસ સર્ટિફિકેટ આપવા માટે રૂ.૧ લાખની લાંચની માગણી કરાઈ હતી. રકઝકના અંતે રાઈડ ધારકે રૂ.પ૦ હજાર આપવાનું ઠેરવ્યું હતું. તે પછી એસીબીમાં તેની ફરિયાદ કરી દેવાઈ હતી. તે ફરિયાદના આધારે એસીબીના રાજકોટ નિયામક કે.એચ. ગોહિલની સૂચનાથી મોરબી એસીબી પીઆઈ પી.એ. દેકાવડીયા અને સ્ટાફે છટકુ ગોઠવ્યું હતું.
તે છટકાના ભાગરૂપે બુધવારે ઉપરોક્ત બંને અધિકારી વતી સુધીર બાવીસી નામનો શખ્સ પૈસા મેળવવા માટે રાજકોટના પારેવડી ચોકમાં ગયો હતો. ત્યાં આ શખ્સને એસીબીએ દબોચી લીધા પછી ત્રણેય સામે ગુન્હો નોંધ્યો હતો. ધરપકડ પામેલા માર્ગ-મકાન વિભાગના બંને અધિકારીના રહેણાંક સહિતના સ્થળે પણ સર્ચ કરવામાં આવ્યું હતું. જેમાં કોઈ મોટી રકમ કે બેંક લોકર મળ્યા નથી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
