Author: નોબત સમાચાર
ગુલાબનગરમાં બે પરિવાર વચ્ચે સામસામી મારામારીઃ બંને પક્ષે નોંધાવાતી પોલીસ ફરિયાદ
જમાઈના સગા-સંબંધીઓ તૂટી પડ્યાઃ
જામનગર તા. ૨૨: જામનગરના ગુલાબનગર વિસ્તારમાં એક આધેડ વયના મહિલા પર લોખંડના પાઈપ અને લાકડી વડે હુમલો કરવામાં આવ્યો હતો. આ બનાવ અંગે બે મહિલા અને બે પુરૂષ મળીને ચાર સામે પોલીસમાં ફરિયાદ નોંધાવાઈ છે. જ્યારે સામા પક્ષે શહેનાઝબેને પણ હુમલો કરવા અંગે ત્રણ સામે વળતી ફરિયાદ નોંધાવી છે.
જામનગરના ગુલાબનગર હુસેની ચોક વીસ્તારમાં રહેતા શકુરાબેન ઈસ્માઈલભાઈ ગજીયા (ઉ.વ.પ૦)એ પોતાના પર લાકડી-પાઈપ વડે હુમલો કરવા અંગે ઝીકરભાઈ વાઘેર, હવાબાઈ, ઝીકરના ભાઈ અને બહેન સામે પોલીસમાં ફરિયાદ નોંધાવી છે. શકુરાબેનના દીકરી મીનાઝબેન રીસામણે હોય અને આરોપીઓ મીનાઝના પતિ ઈમરાનના સંબંધી થતા હોય જેના કારણે ગઈકાલે આરોપીઓ શકુરાબેનના ઘરે પહોંચ્યા હતા અને તમે ખરાબ કામ કરો છો તેવા આક્ષેપો કરી ગાળાગાળી કરી હતી. ત્યારપછી હુમલો કરી દીધો હતો. આ બનાવ અંગે શકુરાબેન ગજીયાની ફરિયાદના આધારે પોલીસે ગુન્હો નોંધ્યો છે અને તપાસ હાથ ધરી છે.
જ્યારે શહેનાઝબેન આમીનભાઈ કુંગડાએ પણ આરોપી શકુરાબેન ઈસ્માઈલભાઈ ગજીયા, સમીર ગજીયા અને નઝીરભાઈ સચડા સામે વળતી ફરિયાદ નોંધાવી છે. શકુરાબેનની દીકરી મીનાઝના લગ્ન ફરિયાદી શહેનાઝબેનના બનેવી સાથે થયા હોય અને તેણીનું ઘર બરાબર ચાલતું ન હોવાથી હાલ તેણી રીસામણે માવતરે આવી છે. જે બાબતે ગઈકાલે આરોપીઓ લાકડાના ધોકા સાથે આવ્યા હતા અને શહેનાઝબેનને લાકડાના ધોકા તથા ઢીકાપાટુનો માર માર્યાે હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
