Author: નોબત સમાચાર
પંદરમા નાણા પંચની બચત રકમ દ્વારા વિકાસ કામોના આયોજનનો ઠરાવ મંજુર
જામનગર જિલ્લા પંચાયતની ખાસ સામાન્ય સભા શાંતિથી સંપન્નઃ
જામનગર તા. ૧૦: જામનગર જિલ્લા પંચાયતની ખાસ સામાન્ય સભા જિ.પં. પ્રમુખ મયબેન ગરસરના અધ્યક્ષસ્થાને યોજાઈ હતી, જેમાં કોઈ અગત્યના મુદ્દાનો એજન્ડામાં સમાવેશ નહીં હોવાથી શાંતિથી સંપન્ન થઈ હતી.
આ સભામાં ૧પ મા નાણા પંચની બચત રકમનો વિકાસ કાર્યોમાં ઉપયોગ કરવા તથા કામોમાં ફેરફાર કરવાનો નિર્ણય લેવાયો હતો, જેમાં જે તે વિસ્તારના જિ.પં. સદસ્યના સૂચનોને ધ્યાને લઈને તે રકમ ત્યાં જ વાપરવાનો ઠરાવ થયો હતો.
આ ઉપરાંત રાજ્યના અર્બન વિસ્તાર, મનપા, ન.પા. વિસ્તારમાં સમાવેશ થયેલા પેટા આરોગ્ય કેન્દ્રોના ગ્રામ્ય વિસ્તાર કે જ્યાં પેટા આરોગ્ય કેન્દ્ર નથી ત્યાં સ્થળફેર કરવાનો નિર્ણય લેવાયો હતો.
અભિનંદન પ્રસ્તાવ પર ચર્ચા
સભાના અંતે અધ્યક્ષસ્થાનેથી જીએસટીના દરોમાં ઘટાડા અને વડાપ્રધાન તથા નાણાપ્રધાનને અભિનંદન-આભાર આપતા ઠરાવ અંગે ધારાસભ્ય હેમંતભાઈ ખવાએ જીએસટી ઘટાડાને આવકાર તો આપ્યો પણ સ્પષ્ટ શબ્દોમાં જણાવ્યું કે, આ મુદ્દો અગાઉથી સભ્યોની જાણમાં મૂકવામાં આવ્યો નથી જેથી તેની કોઈ નોંધ મિનિટ્સ બુકમાં થવી જોઈએ નહીં, તેમજ તેમણે ખેત ઓજારો, ગ્રામીણ ક્ષેત્રે બેરોજગારી, મહિલા ઉદ્યોગ સાહસિકો વિગેરે માટે જીએસટી દરો અંગે ચર્ચા કર્યા પછી જ આભાર પ્રસ્તાવ પસાર કરી શકાય.
આ ઉપરાંત ધારાસભ્યોએ જિ.પં.ની વિવિધ સમિતિઓની બેઠકમાં થયેલી કાર્યવાહીની વિગતો સભ્યોને મળતી નથી તેમ જણાવી સમિતિઓની કાર્યવાહીનો મુદ્દો પેન્ડીંગ રખાવ્યો હતો.
જ્યારે વિરોધ પક્ષના નેતા જે.પી. મારવિયાએ ઊભા થઈને જણાવ્યું કે, આવી સામાન્ય સભાનો કોઈ અર્થ જ નથી, કારણ કે આ બેઠકમાં જિલ્લાના વિકાસની કોઈ વાત કે ચર્ચા કે એજન્ડા જ નથી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
