Author: નોબત સમાચાર
દ્વારકામાં ભરાઈ રહેલા સ્લેબના સ્થળે કોંક્રીટ ભરેલી લીફ્ટ મહિલા પર મોત બનીને ત્રાટકી
એક હોટલનો સ્લેબ ભરાતો હતોઃ
જામનગર તા. ૨૪ઃ દ્વારકા શહેરમાં એક હોટલ પાસે ચાલી રહેલા છત ભરવાના કામ પર ગઈકાલે વરવાળાના એક શ્રમિક મહિલા કામ કરતા હતા ત્યારે આ મહિલા પર પાંચમા માળે કોંક્રીટ ભરીને જતી લીફ્ટ મોત બનીને ત્રાટકી હતી. આ મહિલાનું મૃત્યુ નિપજ્યાનું તેની સાથે જ કામ કરતા પતિએ પોલીસમાં જાહેર કર્યું છે.
દેવભૂમિ દ્વારકા જિલ્લાના મીઠાપુર નજીકના વરવાળા ગામમાં રહેતા કાજલબેન રામાભાઈ વાઘેલા (ઉ.વ.ર૪) નામના દેવીપુજક શ્રમિક મહિલા ગઈકાલે સાંજે દ્વારકામાં દામજી હોટલ પાસે ચાલતા બાંધકામના સ્થળે કામ કરતા હતા.
આ વેળાએ સ્લેબ તથા કોલમ ભરવાની ચાલી રહેલી કામગીરીમાં કોંક્રીટ બનાવવાના ગોળામાં સિમેન્ટ તથા રેતી સાથે કાજલબેન પાણી નાખી રહ્યા હતા ત્યારે તે ગોળામાંથી કોંક્રીટ ભરીને પાંચમા માળે જતી લીફ્ટ અચાનક તૂટી પડતા અને નીચે ઉભેલા કાજલબેન પર મોત બનીને ત્રાટક્તા દોડધામ મચી ગઈ હતી. ગંભીર ઈજા પામેલા આ યુવતીનું મૃત્યુ નિપજ્યું છે. તેમની સાથે જ કામ કરતા પતિ રામાભાઈ બુધાભાઈ વાઘેલાએ પોલીસને જાણ કરી છે. દ્વારકા પોલીસે અપમૃત્યુ અંગે નોંધ કરી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
