Author: નોબત સમાચાર
ભારત અને અમેરિકા વચ્ચેની ટ્રેડ-ડીલ ખોરંભેઃ મતભેદોના કારણે ભારતીય પ્રતિનિધિ મંડળ પરત
હવે અમેરિકન ડેલિગેશન ભારત આવશે
નવી દિલ્હી તા. રરઃ ભારત-અમેરિકા વચ્ચેની ટ્રેડ ડીલમાં વિલંબ થયો છે. અમેરિકન ડેલિગેશન ઓગસ્ટમાં ભારત આવશે. હવે ટ્રેડ ડીલની જાહેરાત સપ્ટેમ્બર અથવા ઓક્ટોબર મહિનામાં થશે તેમ જણાય છે.
ભારત અને અમેરિકા વચ્ચે ટ્રેડ ડીલની જાહેરાત હવે સપ્ટેમ્બર અથવા ઓક્ટોબર મહિનામાં થશે. ટ્રેડ ડીલ માટે ભારતીય ડેલિગેશન અમેરિકા ગયું હતું, પરંતુ કોઈ મોટી જાહેરાત વિના ડેલિગેશન ભારત પરત આવી ગયું છે. હવે એવું માનવામાં આવી રહ્યું છે કે, ઓગસ્ટ મહિનાના બીજા સપ્તાહમાં અમેરિકાનું ડેલિગેશન ભારત આવશે. ભારત અને અમેરિકા વચ્ચે અત્યાર સુધી સત્તાવાર રીતે પ તબક્કામાં વાટાઘાટો થઈ ચૂકી છે.
ઓટો કમ્પોનેન્ટ્સ, સ્ટીલ અને કૃષિ પ્રોડક્ટ્સને લઈને બન્ને દેશો વચ્ચે મતભેદો છે જેના કારણે ડીલ પહેલા વાટાઘાટો લાંબી ખેંચાઈ રહી છે. ભારત સરકારે હાલમાં જ સ્પષ્ટ કર્યું હતું કે ટ્રેડ ડીલ ત્યારે જ થશે જ્યારે તે દેશહિતમાં હોય, ભારતે કૃષિ અને ડેરી સેક્ટરમાં અમેરિકાની માંગો સ્વીકારી નથી. અમેરિકાના રાષ્ટ્રપ્રમુખ ડોનાલ્ડ ટ્રમ્પે ટેરિફ માટે વિશ્વના દેશોને પહેલી ઓગસ્ટની ડેડલાઈન આપી હતી.
હવે એક્સપર્ટનું માનવું છે કે, જ્યાં સુધી ટ્રેડી ડીલ ન થાય ત્યાં સુધી ભારતે ર૬ ટકા ટેરિફ માટે તૈયાર રહેવું પડશે. બીજી તરફ ટ્રમ્પ વારંવાર દાવો કરી રહ્યા છે કે ભારત અને અમેરિકાની ટ્રેડ ડીલ લગભગ ફાઈનલ થઈ જ ગઈ છે અને ટૂંક સમયમાં મોટી જાહેરાત કરવામાં આવશે, જો કે બીજી તરફ ટ્રમ્પ બ્રિક્સ દેશોને વધારાના ટેરિફની ધમકી પણ આપી રહ્યા છે. ભારત પણ બ્રિક્સનું સભ્ય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
