Author: નોબત સમાચાર
જામનગરના આસામીને બેંક ખાતા અનફ્રીઝ કરાવી આપવાની લાલચના કેસમાં બે ઝબ્બે
અગાઉ એક આરોપીની કરાઈ હતી ધરપકડઃ
જામનગર તા. ૨૮: જામનગરના આસામીને તેમનું સ્થગિત થયેલુ બેંક ખાતું અનફ્રીઝ કરાવી આપવાના નામે ઠગાઈનો પ્રયાસ કરાયાની નોંધાયેલી ફરિયાદમાં સાયબર ક્રાઈમ પોલીસે એક આરોપીને પકડી પાડ્યા પછી વધુ બે આરોપીની અમદાવાદથી અટકાયત કરી છે.
જામનગરના એક આસામીને તેમના ખાનગી બેંકમાં આવેલા ખાતાને અનફ્રીઝ કરાવી આપવા માટે જણાવી દર્શિત કિશોરભાઈ કાગદડા નામના શખ્સે ઠગાઈનો પ્રયાસ કર્યાે હતો. તે શખ્સની વાતો પરથી ચેતી ગયેલા પ્રગતી એન્ટરપ્રાઈઝ નામની પેઢીના સંચાલકે રસ ન લેતા તેઓને ધમકી આપી બળજબરીથી નાણા પડાવવા નો પ્રયાસ કરાયો હતો.
આ બાબતની સાયબર ક્રાઈમ પોલીસ સ્ટેશનમાં ફરિયાદ કરવામાં આવતા હરકતમાં આવેલી સાયબર ક્રાઈમ પોલીસે દર્શિત કાગદડાને દબોચી લીધો હતો. તેની કરાઈ રહેલી પૂછપરછમાં અન્ય બે શખ્સના પણ નામ ખૂલ્યા હતા તેથી પીઆઈ ધાસુરાની સૂચનાથી પીએસઆઈ પી.વી. ગોહિલ તથા સ્ટાફે આ શખ્સોના સગડ દબાવ્યા હતા.
તે દરમિયાન અમદાવાદના દુર્ગેશ દેવેન્દ્રભાઈ પંડયા તથા યોગેશ શાંતિલાલ જોષી નામના બે શખ્સના નામ ખૂલતા અમદાવાદ ધસી ગયેલી સાયબર ક્રાઈમ પોલીસે બંને આરોપીની અટકાયત કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
