Author: નોબત સમાચાર
દ્વારકાના ગોમતીઘાટેથી યાત્રાળુઓના મોબાઈલ રોકડની ચોરી કરનાર ગેંગના ચાર ઝડપાયા
મહારાષ્ટ્રની બનિયાનધારી ગેંગનું કારસ્તાનઃ
જામનગર તા. ૧૮: દ્વારકાના ગોમતી ઘાટેથી યાત્રાળુના મોબાઈલ ફોન અને રોકડ ભરેલા પાકીટની ચોરી કરનાર મહારાષ્ટ્રની બનીયારધારી ગેંગના ચાર શખ્સને પોલીસે ઝડપી પાડ્યા છે અને તેમની પાસેથી મોબાઈલ, રોકડ રકમ કબજે લેવામાં આવ્યા છે.
તાજેતરમાં ભગવાન દ્વારકાધીશજીના દર્શને આવેલા એક વૃદ્ધ યાત્રાળુ ગોમતી નદીમાં સ્નાન કરવા ગયા હતા. તે સમયે તેમણે પોતાની રોકડ ભરેલુ પાકીટ અને મોબાઈલ ફોન, કપડા વગેરે નદી કાંઠે રાખ્યા હતા. ત્યાંથી કોઈ શખ્સ રૂ.૧૪ હજારની કિંમતનો મોબાઈલ અને રૂ.૩ હજારની રોકડ મળી કુલ રૂ.૧૭ હજારનો મુદ્દામાલ ચોરી લઈ ગયા હતા.
આ અંગે નોંધાયેલી ફરિયાદના આધારે દ્વારકા પોલીસ સ્ટાફે તપાસ શરૂ કરી હતી અને મહારાષ્ટ્રની બનિયાનધારી ગેંગના વિનોદ હીરામણભાઈ સેલકે, ઈન્દ્રજીત પવન પરમાર, ગણેશ અંબર સોલુખે, લખન ઉર્ફે શેખર કનૈયાલાલ ગૌંડ નામના ચાર શખ્સોને ઝડપી પાડ્યા હતા અને તેમના કબજામાંથી રૂ.૩ હજારની રોકડ અને રૂ.૧૪ હજારનો મોબાઈલ કબજે કર્યાે હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
