Author: નોબત સમાચાર
અમદાવાદનું એરપોર્ટ, સુરતની બે સ્કૂલોને બોમ્બની ધમકી મળતા પોલીસની ટીમો દોડી
ઈ-મેઈલ દ્વારા ધમકીઓ આપવાનો સીલસીલો
અમદાવાદ તા.૨૨: અમદાવાદ એરપોર્ટ તથા સુરતની બે સ્કૂલને ઉડાવી દેવાની ધમકીનો ઈમેઈલ મળતા પોલીસની ટીમો દોડતી થઈ છે.
છેલ્લાં ઘણાં સમયથી વિવિધ જગ્યાઓને બોમ્બથી ઉડાડી દેવાની ધમકીભર્યા ઇમેલ મળી રહૃાા છે. એવામાં હવે મંગળવારે (૨૨ જુલાઈ) અમદાવાદ અને સુરત જેવા બે મહાનગરોમાં વિવિધ સ્થળોને બોમ્બથી ઉડાડી દેવાની ધમકી મળી છે. અમદાવાદમાં સરદાર વલ્લભભાઈ પટેલ એરપોર્ટ તેમજ સુરતમાં બે શાળાઓને બોમ્બથી ઉડાડી દેવાની ધમકીભર્યા ઇમેલ મળ્યા છે. મેઇલ મળતાની સાથે જ પોલીસે તાત્કાલિક ધોરણે કાર્યવાહી હાથ ધરી હોવાનુ જાણવા મળે છે.
અહેવાલો મુજબ સુરત પોલીસને મેઇલ દ્વારા શહેરની બે શાળાઓને બોમ્બથી ઉડાડી દેવાની ધમકી મળી છે. જેમાં જી.ડી ગોયન્કા અને લાન્સર આર્મી સ્કૂલનો સમાવેશ થાય છે. આ મેઇલ મળતાની સાથે સુરત પોલીસ એક્ટિવ થઈ ગઈ અને તાત્કાલિક ઘટનાસ્થળે પહોંચી ગઈ હતી. સુરક્ષાના ભાગ રૃપે શાળામાં હાજર બાળકોને રજા આપી દેવામાં આવી છે અને બોમ્બ સ્ક્વોડની ટીમ સાથે બંને શાળાની તપાસ કરવામાં આવી રહી છે. જોકે, હજુ સુધી આ તપાસમાં કોઈ શંકાસ્પદ વસ્તુ મળી આવી નથી.
અમદાવાદમાં પણ ક્રાઇમ બ્રાન્ચને એરપોર્ટને પણ બોમ્બથી ઉડાડી દેવાની ધમકી મળી છે. જોકે, ઘટનાની જાણ થતાં પોલીસ અને બોમ્બ સ્ક્વોડની ટીમ તાત્કાલિક ઘટના સ્થળે પહોંચી છે. સુરક્ષાને ધ્યાને લઈને મુસાફરો અને અન્ય લોકોને સુરક્ષિત જગ્યાએ ખસેડીને સમગ્ર એરપોર્ટ પરિસરની તપાસ કરવામાં આવી છે. આ ધમકીના પગલે અનેક ફ્લાઇટને અસર પડી શકે તેવી આશંકા છે. જોકે, આ મામલે હજુ સુધી એરપોર્ટ દ્વારા કોઈ માહિતી આપવામાં આવી નથી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
