Author: નોબત સમાચાર
દરેક ૫રિવારમાં ત્રણ બાળકો હોવા જોઈએઃ આર.એસ.એસ. વડા મોહન ભાગવત
હિન્દુ સમાજમાં એકતાની જરૂર છેઃ
નવી દિલ્હી તા. ર૯: રાષ્ટ્રીય સ્વયંસેવક સંઘના વડા મોહન ભાગવતે કહ્યું કે, બધા પરિવારોમાં ત્રણ બાળકો હોવા જોઈએ. તેમણે કહ્યું કે, ભવિષ્યમાં પરિવાર વ્યવસ્થા જાળવી રાખવા અને દેશની સુરક્ષા સુનિશ્ચિત કરવા માટે બધા પરિવારોમાં ત્રણ બાળકો હોવા જરૂરી છે. અમે ભાગલાનો વિરોધ કર્યો હતો. તેમણે કહ્યું કે, અમે અખંડ ભારતના સમર્થક છીએ અને અમે તેમાં માનીએ છીએ. તેમણે એ વાત પર પણ ભાર મૂક્યો કે આપણી બધાની એક ઓળખ છે. બધા લોકો હિન્દુ છે અને તેમની એક જ ઓળખ છે. આરએસએસ વડાએ કહ્યું કે, જ્યાં તફાવત હોય ત્યાં એકતાની વાત કરવી જોઈએ.
તેમણે કહ્યું કે, પરિવારમાં ત્રણ બાળકો હોવા જોઈએ તે મહત્ત્વપૂર્ણ છે. આ ઉપરાંત આપણે ગેરકાયદેસર ઘૂસરણખોરી રોકવામાં પણ આપણી ભૂમિકા ભજવવી પડશે. તેમણે કહ્યું કે, સરકાર ગેરકાયદેસર ઘૂસણખોરી રોકવાનો પ્રયાસ કરી રહી છે, પરંતુ સમાજે પણ પોતાની ભૂમિકા ભજવવી પડશે.
દેશમાં વસ્તી અસંતુલન ધર્માંતરણ અને ગેરકાયદેસર ઘૂસણખોરીને કારણે થયું છે. ધર્મ વ્યક્તિગત પસંદગીનો વિષય છે, તેમાં કોઈપણ પ્રકારની લાલચ કે બળનો ઉપયોગ ન થવો જોઈએ. મોહન ભાગવતે ફરી એકવાર સ્પષ્ટતા કરી કે હિન્દુ સમાજમાં એકતાની જરૂર છે. આ માટે આપણે મંદિરો, સ્મશાનગૃહો અને કૂવાઓને એક રાખવા પડશે. આ દરમિયાન મોહન ભાગવતને અનામત અંગે પણ પ્રશ્ન પૂછવામાં આવ્યો હતો. આના પર તેમણે કહ્યું કે, એક વર્ગ સામે અન્યાય થયો છે અને જો તેમને પ્રતિનિધિત્વ ન મળે તો તેમને સમર્થન મળવું જોઈએ.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
