Author: નોબત સમાચાર
દેશમાં ઓનલાઈન મની ગેમિંગ પર પ્રતિબંધો મૂકતો કાયદો લાગુઃ ભારે દંડ-સજાની જોગવાઈ
રાષ્ટ્રપતિ દ્રૌપદી મુર્મુએ મંજુરી આપી દેતા
નવી દિલ્હી તા. ર૩: ઓનલાઈન ગેમિંગ બિલને રાષ્ટ્રપતિ મુર્મુએ મંજુરી આપી દેતા આ કાયદો દેશમાં લાગુ થઈ ગયો છે.
ઓનલાઈન મની ગેમિંગ પર પ્રતિબંધ મૂકતા બિલને સંસદની મંજુરી પછી હવે રાષ્ટ્રપતિ દ્રૌપદી મુર્મુએ પણ લીલીઝંડી આપી દીધી છે, જેના પછી હવે તે કાયદો બની ગયો છે. આ કાયદા હેઠળ બધી ઓનલાઈન મની ગેમિંગ સેવાઓ પર પ્રતિબંધ મૂકવામાં આવશે અને આવી રમતો પૂરી પાડનારાઓને ત્રણ વર્ષ સુધીની જેલ અને એક કરોડ રૂપિયા સુધીના દંડની જોગવાઈ છે.
ઉલ્લેખનિય છે કે, વિવિધ ઓનલાઈન સટ્ટાબાજી એપ્સના આશરે રર કરોડ ભારતીય યુઝર્સ છે, જે પૈકી ૧૧ કરોડ નિયમિત રીતે તેનો ઉપયોગ કરે છે. એક અંદાજ મુજબ દર વર્ષે ૪પ કરોડ લોકો આ ઓનલાઈન મની ગેમ્સના ચક્કરમાં ફસાઈને ર૦ હજાર કરોડથી વધારે રકમ ગુમાવે છે.
રાષ્ટ્રપતિ દ્રૌપદી મુર્મુની મંજુરી સાથે જ હવે આ કાયદો બની ગયો છે અને તેની જોગવાઈઓ લાગુ થઈ ગઈ છે. અત્રે ઉલ્લેખનિય છે કે પ્રમોશન એન્ડ રેગુલેશન ઓફ ઓનલાઈન ગેમિંગ બિલ ર૦ ઓગસ્ટના લોકસભા અને ર૧ ઓગસ્ટના રાજ્યસભામાં પસાર થયું હતું. બન્ને ગૃહોમાં આ બિલ આઈટી મંત્રી અશ્વિની વૈષ્ણવે રજૂ કર્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
