આવતીકાલે રાષ્ટ્રપતિ દ્રૌપદી મુર્મુ દ્વારકાની મુલાકાતે આવનાર હોઈ, તંત્રની તડામાર તૈયારીઃ સઘન સુરક્ષા

Author: નોબત સમાચાર

આવતીકાલે રાષ્ટ્રપતિ દ્રૌપદી મુર્મુ દ્વારકાની મુલાકાતે આવનાર હોઈ, તંત્રની તડામાર તૈયારીઃ સઘન સુરક્ષા

રસ્તાઓનું નવીનિકરણ, રિહર્સલ, જગત મંદિરમાં વિશેષ શણગાર

દ્વારકા તા. ૧૦: રાષ્ટ્રપતિ દ્રૌપદી મુર્મુ શનિવારે યાત્રાધામ દ્વારકાની મુલાકાતે આવી રહ્યા છે, ત્યારે કલેક્ટર, પ્રાંત, મામલતદાર, પોલીસ, નગરપાલિકા, ફાયર સહિતના વિભાગો સહિત સમગ્ર વહીવટી તંત્રએ દ્વારકામાં રાષ્ટ્રપતિના રૂટ અને જગતમંદિર સહિતના મહત્ત્વના સ્થળો પર સઘન સુરક્ષા વ્યવસ્થા સાથે ચાંપતો બંદોબસ્ત ગોઠવી દેવામાં આવ્યો છે અને રીહર્સલ સહિત સમગ્ર વહીવટી તંત્રની તડામાર તૈયારીઓને આખરી ઓપ આપવામાં આવ્યો છે. દ્વારકાના રૂક્ષ્મણી મંદિર પાસેના હેલીપેડથી બસ સ્ટેશન રોડ, રબારી ગેઈટ, હોસ્પિટલ રોડ, સર્કિટ હાઉસ, ઈસ્કોન ગેઈટ, સનાતન સેવા મંડલ, હાથી ગેઈટથી જગતમંદિર સુધીના રૂટ પર ચપ્પે ચપ્પે પોલીસનો ચૂસ્ત બંદોબસ્ત જોવા મળી રહ્યો છે. જગતમંદિરમાં પૂજારી દ્વારા રાષ્ટ્રપતિના આગમન સમયે વિશેષ શણગાર યોજવામાં આવનાર છે. સમગ્ર રૂટમાં સઘન સફાઈ અભિયાન ચલાવાયું છે અને રોડ રસ્તાના નવીનિકરણ તેમજ ફાયર સેફ્ટી સહિતની સુવિધાઓ સઘન બનાવી દેવામાં આવી છે.

જો આપને આ પોસ્ટ ગમી હોય તો શેર કરો...