Author: નોબત સમાચાર
રૂપિયા ચાર કરોડના બદલે સાત કરોડના ખર્ચે ટાઉન હોલના રિનોવેશનની વિજિલન્સ તપાસ મંગાઈ
જામ્યુકોની સામાન્ય સભામાં વિપક્ષોની તડાપીટઃ
જામનગર તા. ૨૧: જામનગર મહાનગર પાલિકાની સામાન્ય સભામાં જામનગરના ટાઉન હોલના કરોડોના ખર્ચ અંગેની તપાસની વિપક્ષી કોર્પોરેટરે માંગણી ઉઠાવી હતી.
જામનગર મહાનગરપાલિકાની સામાન્ય સભા ગઈકાલે મેયર વિનોદ ખીમસુરીયાના અધ્યક્ષ સ્થાને મળી હતી. જેમાં ડેપ્યુટી મેયર ક્રિષ્નાબેન સોઢા, કમિશનર ડી. એન. મોદી તેમજ કોર્પોરેટરો અને અધિકારીઓ ઉપસ્થિત રહૃાા હતા. આ સામાન્ય સભામાં ચર્ચામાં ભાગ લેતા વિપક્ષના કોર્પોરેટર અસલમ ખીલજી એ જણાવ્યું હતું કે આશરે ચાર કરોડના ખર્ચે બનનારો ટાઉન હોલમાં રૂ.૭ કરોડનો ખર્ચ કરવામાં આવ્યો છે. જે શંકાસ્પદ હોય થર્ડ પાર્ટી અથવા વિજિલન્સની તપાસ કરાવી જોઈએ. તેના જવાબમાં સિટી એન્જિનિયર ભાવેશ જાનીએ જણાવ્યું હતું કે ખર્ચમાં ચોક્કસ વધારો થયો છે. પરંતુ કામ નિયમ પ્રમાણે થયું છે.
ઇજનેર રાજીવ જાનીએ પણ જણાવ્યું હતું કે ઇન્ટિરિયરમાં ખર્ચ વધી ગયું છે. પરંતુ ટાઉનહોલ સારો બનાવવામાં આવ્યો છે. અને તેના તમામ બીલો પણ ઉપલબ્ધ છે.
તળાવની પાળેથી સાત રસ્તા અને જૂની આરટીઓ ઓફિસથી જંગલેશ્વર મહાદેવના મંદિર વાળો નવા રસ્તાની સુવિધા આપવામાં આવી છે. તે બદલ ભાજપના તેમજ કોંગ્રેસના કોર્પોરેટરે કમિશનરને અભિનંદન આપ્યા હતા.
એમ્યુઝમેન્ટ પાર્કની રઈડ એરીયા ૧૦ વર્ષ માટે લીઝથી ભાડે આપવાની દરખાસ્તને સર્વાનુમતે મંજૂરી આપવામાં આવી હતી. તેમજ કોર્પોરેશનમાં ફૂડ શાખામાં ફૂડ એનાલિસ્ટની જગ્યા ઉભી કરવા માટેની દરખાસ્તને પણ બહાલી આપવામાં આવી હતી.
વિપક્ષી સભ્યોએ માંગ કરી હતી કે ટીપી સ્કીમ વધુ લાગુ કરાવો, જાડાની બે અને મહાનગર પાલિકાની પાંચ ટીપી સ્કીમ છે. દિગ્વિજય પ્લોટ વિસ્તારમાં ડીપી કપાતની અમલવારી કરો, સાથે માંડવી ટાવરથી ખંભાળીયા ગેટ સુધી પણ અમલવારી કરવાની જરૂર છે.
આ ઉપરાંત વિપક્ષી કોર્પોરેટર રચનાબેન નંદાણીયાં ડોક્ટરનો પોષાક પહેરીને સામન્ય સભામાં આવ્યા હતા. અને મુન્નાભાઈ એમબીબીએસ જેવી મહાનગરપાલિકાના ઇજનેરની ડિગ્રી હોવાનો કટાક્ષ કર્યો હતો. વિપક્ષ કોર્પોરેટર આનંદ રાઠોડએ પોતાના મતવિસ્તારમાં રોડ કરવા અંગેની પોતાની જૂની માંગણી દોહરાવી હતી
આ સામાન્ય સભામાં સ્ટેન્ડિંગ કમિટીના ચેરમેન નિલેશ કગથરા, ઉપરાંત ગોપાલ સોરઠીયા, વિપક્ષના નેતા ધવલ નંદા, રાહુલ બોરીચા અને જેનબબેન ખફી વગેરેએ પણ ચર્ચામાં ભાગ લીધો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
